Te Vitiō ko te Jehovah’s Witnesses—Organized to Share the Good News
Ko sili atu nei i te 100 tausaga, talu mai te taimi ne kamata ei o fakatoka ne Molimau a Ieova ke talai atu a te tala ‵lei. Ko lauiloa eiloa a te faiga o te galuega talai tenei i te lalolagi kātoa, kae e folafola atu eiloa ne tatou te fekau tenei i te fia selau o ‵gana, i atufenua e silia atu mo te 230. (Mata. 24:14) Kaia e ‵tau ei o fai a te galuega tenei? Ne fakataunu pefea a te galuega tenei i te lalolagi kātoa? A te vitiō ko te Jehovah’s Witnesses—Organized to Share the Good News e tali aka ei a fesili konā mai i te onoono faka‵lei ki feitu kese‵kese e uke o ‵tou galuega i te lalolagi kātoa. Kafai ko oti ne onoono ki te vitiō tenei, ke toe mafaufau ki tali ki fesili konei.
Ne fai pefea ne te vitiō tenei ke momea aka tou malamalama mo tou fiafia ki (1) taumafaiga a te fakapotopotoga a Ieova ke talai atu a te tala ‵lei? (2 Timo. 4:2) (2) kāiga Peteli i te lalolagi kātoa? (3) te akoga fakamasani mō misionale mo ovasia? (2 Timo. 2:2) (4) te tāua o te kamataga o aso takitasi ki te mafaufau ki se tusi siki i te Tusi Tapu mo te fakatokaga i vaiaso takitasi mō fakatasiga a te fakapotopotoga? (Galu. 17:11) (5) te aoga o te kau atu ki ‵tou fakatasiga faka-Kelisiano? (Epe. 10:24, 25) (6) fakamanuiaga ka maua ne koe māfai ko toe fai a te lalolagi mo fai te Palataiso? (Isa. 11:9) (7) te tauliaga ke kau atu ki te galuega ko te ‵katigā saito telā koi fai eiloa nei?—Ioa. 4:35.
Ne fai eiloa a te vitiō tenei mo fai se mea faigaluega tafasili i te aoga ke fakamasani ei a tino fia‵fia ki te galuega telā e fai ne Molimau a Ieova i te lalolagi kātoa. (8) Se a te taimi ‵lei ke fakaasi atu a te vitiō ki ‵tou a‵koga faka-te-Tusi Tapu, kāiga, mo nisi tino? (9) Ne a ikuga ‵lei ne maua ne koe i te taimi ne onoono atu ei a tino ki te vitiō tenei?
I te taimi e mafau‵fau ei tatou ki mea kolā ko fakataunu ne Ieova, e ‵lago atu eiloa tatou ki pati a te faisalamo: “[Ieova] te motou Atua, ko oti ne fai ne koe a mea e uke mō matou; e seai se tino e ‵pau mo koe! Ko oti ne fai ne koe a fuafuaga ‵gali mō matou. E se mafai ne au o fakalaulau atu katoa me ko tō uke!” (Sala. 40:5) Ke na fakaaoga faka‵lei eiloa ne tatou a te vitiō tenei ke fesoasoani atu ki nisi tino ke ati aka foki ne latou a te loto fakafetai ki a Ieova mo tena fakapotopotoga!