Jehovah’s Witnesses—Faith in Action, Part 2: Let the Light Shine
Mai tua o te ‵talamaiga o te Taina ko Latafoti mo ana taugasoa mai i te falepuipui i te 1919, ne ‵tau o fai ne Tino A‵koga o te Tusi Tapu se galuega lasi ‵ki eiloa. E pelā mo te mea e fakaasi mai i te vitio ko te Jehovah’s Witnesses—Faith in Action, Part 2: Let the Light Shine, ne ‵tau eiloa o tokouke a tino e ‵teke atu ki Tino A‵koga i te Tusi Tapu, kae ko te lotou malamalama i te Tusi Tapu ne gasolosolo aka faeloa ki luga, kae ne fakamalosi aka ei te lotou fakatuanaki. (Faata. 4:18; Mala. 3:1-3; Ioane 15:20) Kafai ko oti ne onoono ki te vitio, e mata, e mafai o tali mai ne koe a fesili konei?
(1) Ne a auala ne fakaaoga ne Tino A‵koga i te Tusi Tapu ke fakasalalau atu ei te tala ‵lei? (2) Ne a mea ne faka‵pula mai i fono fakapito i te 1931 mo te 1935? (3) Se a te manatu tāua e fakamatala mai i te lōmiga o Te Faleleoleo Maluga i a Novema 1, 1939? (4) Fakamatala mai a mea ne ‵tupu i te Madison Square Garden i te taimi ne fai ei a te lāuga a te Taina ko Latafoti e uiga ki te “Te Malo mo te Filemu.” (5) Se a te mea gali telā ne lavea atu i te lāuga a te Taina ko Noa e uiga ki te “Filemu—E Mata, e Mafai o Tumau?” (6) I te 1942, ne a fuafuaga ne fai ne Molimau a Ieova ke fakalauefa atu ei te lotou galuega talai? (7) Ke fakamatala mai a nisi tulaga faiga‵ta i mea tau tulafono kolā ne taua atu ki ei i te Iunaite Sitete, Kanata, mo Eleni. (8) Ne fesoasoani atu pefea i se auala lasi a te akoga o Kiliata ki te gasolo atu ki mua o te galuega talai? (9) Se a te galuega tāua ne kamata i te 1946, kae kaia? (10) Ne a tulaga takitasi ne tau‵tali atu ki ei a Molimau a Ieova ke fakamautinoa aka me e fetaui olotou amioga mo tulaga i te Tusi Tapu? (11) Fakamatala mai a nisi fakama‵fuliga kolā ne fai i tausaga talu mai te 1970 ko te mea ke momea aka te tautali fakapilipili atu o te fakapotopotoga ki te Tusi Tapu. (12) Mai tua o te onoonoga ki te vitio tenei, ne momea aka pefea tou malamalama i te auala e pule katoatoa mai ei a Ieova kae tenei foki eiloa tena fakapotopotoga? (13) Ne fakamalosi aka pefea ne te vitio tenei a tau fakaikuga ke tumau eiloa i te talai atu mo te loto finafinau faitalia a mea faiga‵ta? (14) E mafai pefea o fakaaoga ne tatou a te vitio tenei ke fesoasoani atu ki ‵tou kāiga, a‵koga faka-te-Tusi Tapu, mo nisi tino aka?
E fakaopoopo atu faeloa i aso takitasi a tala ‵fou ki tala fakasolopito o Molimau a Ieova. Ne a mea e fakaasi mai i mea ne tusi ki lalo e uiga ki ‵tou taumafaiga i te galuega talai? E pelā mo mea ko oti ne fai ne ‵tou taina i aso ko ‵teka, ke na tumau eiloa tatou mo te loto finafinau i te ‘fakamaina atu te mainaga’!—2 Koli. 4:6.