Pogai e Sefululua e Talai Atu ei Tatou
Kaia e talai kae akoako atu ei ne tatou a te tala ‵lei? E mata, a te fesoasoani atu ki tino loto fakamaoni ke olo atu i te auala ki te ola ko te pogai tāua muamua? (Mata. 7:14) Tenā eiloa te pogai muamua i te fakasologa mai lalo, kae e se tenā loa te pogai tāua muamua. Se a te pogai i pogai e 12 konei e ‵kau atu ei tatou ki te galuega talai telā e mafaufau koe me ko te ‵toe mea tāua?
1. E fesoasoani ki te faka‵saoga o tino.—Ioane 17:3.
2. E fai pelā me se fakailoaga ki tino ma‵sei ke fakaeteete.—Eseki. 3:18, 19.
3. E fesoasoani atu ki te fakataunuga o valoaga i te Tusi Tapu.—Mata. 24:14.
4. Se fakaasiga o te amiotonu o te Atua. E se mafai o ‵losi atu tatou ki a Ieova me ne fakaseai ne ia a tino ma‵sei e aunoa mo te tukuatuga o se avanoaga ke sala‵mo latou.—Galu. 17:30, 31; 1 Timo. 2:3, 4.
5. E maua ne tatou a te avanoaga ke ‵tina ‵tou kaitalafu mai te fesoasoani atu i te feitu faka-te-agaga ki tino, kolā ne ‵togi ki te toto o Iesu.—Loma 1:14, 15.
6. E fai ei ke ‵ma tatou i toto o tino.—Galu. 20:26, 27.
7. Se mea e manakogina mō te ‵tou fakaolataga.—Eseki. 3:19; Loma 10:9, 10.
8. E fakaasi atu ei ‵tou a‵lofa ki ‵tou tuakoi.—Mata. 22:39.
9. E fakaasi atu ei te ‵tou faka‵logo ki a Ieova mo tena Tama.—Mata. 28:19, 20.
10. Se vaega o te ‵tou tapuakiga.—Epe. 13:15.
11. E fakaasi atu ei ‵tou a‵lofa ki te Atua.—1 Ioa. 5:3.
12. E fesoasoani atu ki te faka‵maluga o te igoa o Ieova.—Isa. 43:10-12; Mata. 6:9.
E tonu, e se konei fua a pogai e ‵kau atu ei tatou ki te galuega talai. E pelā mo te galuega talai, e fakamalosi aka ei ‵tou fakatuanaki kae e tuku mai foki i ei a te tauliaga ke ga‵lue fakatasi tatou mo te Atua. (1 Koli. 3:9) Kae ko te ‵toe pogai tāua e ‵kau atu ei tatou ki te galuega talai ko te napa 12. Faitalia me e faka‵logo mai a tino io me ikai, e fesoasoani atu a te galuega talai ki te faka‵maluga o te igoa o te Atua kae e maua foki ne Ieova se tali ke tuku atu ki te tino telā e fakaitaita atu ki a ia. (Faata. 27:11) A te ‵tonuga loa, e maua ne tatou a pogai ‵lei ke ‘tumau eiloa i te akoako mo te folafola atu a te tala ‵lei.’—Galu. 5:42.