Pati Fakatomua Fesoasoani

Ke Kamata a Akoga Faka-te-Tusi Tapu i te Aso Ono Muamua i a Fepuali

“E mafau‵fau a tino e tokouke me i te Tiapolo ko te pogai o mea ma‵sei i te lalolagi. Kae kāti ka mafaufau ifo latou penei: ‘Tefea te koga ne māfua mai ei a te Tiapolo? E mata, ne faite a ia ne te Atua?’ Se a tau faka‵tau? [Faka‵tali ki se tali.] Onoono aka la ki te mea e faitau ne tatou i konei.” Ke fakaasi atu te mataupu mai tua o Te Faleleoleo Maluga i a Fepuali 1, kae mafau‵fau ki te palakalafa muamua mo te tusi faitau i ei. Ke ofo atu te mekesini, kae fakatoka ke toe foki atu o sau‵tala ki te suā fesili.

Te Faleleoleo Maluga Fepuali 1

“E fia iloa ne māua me ne a ou mafaufauga e uiga ki se tino telā e āva malosi ki ei a Kelisiano, te kau Iutaia, mo te kau Musilimu. A te tino tenā ko Mose. Se a te mea muamua e mafaufau koe ki ei māfai e lagona ne koe tena igoa? [Faka‵tali ki se tali.] E tiga eiloa ne fai ne ia a mea ‵se, se mea gali ‵ki ke iloa atu a pati i te Tusi Tapu e uiga ki a Mose. [Faitau te Teutelonome 34:10-12.] E fakamatala mai i te mekesini tenei ana uiga ‵gali e tolu mo te auala e mafai ei o fakaakoako atu tatou ki a ia.”