Pati Fakatomua

Ke Kamata a Akoga Faka-te-Tusi Tapu i te Aso Ono Muamua i a Fepuali

“E kese‵kese a manatu o tino kolā e fai‵pati tatou ki ei e uiga ki te Tusi Tapu. E tali‵tonu a nisi tino me ko te Muna a te Atua, kae e mafau‵fau a nisi tino me se tusi masani fua. E pefea ou lagonaga e uiga ki te Tusi Tapu?” Faka‵tali ki se tali. Ke fakaasi atu te ‵kava mai tua o Te Faleleoleo Maluga i a Fepuali 1, kae ke mafau‵fau fakatasi ki te mataupu mai lalo i te fesili muamua mo se tusi faitau e tasi. Ke ofo atu te mekesini kae fakatoka ke toe foki atu o sau‵tala ki te suā fesili.

Te Faleleoleo Maluga Fepuali 1

“Ko oko eiloa i te fia ‵kilo atu o te tokoukega o tino ki te taimi e gata atu ei a taua. Se a tau faka‵tau, e fai eiloa a te mauaga o te filemu i te lalolagi mo fai se fakamoemoega tonu? [Faka‵tali ki se tali.] Onoono ki te folafolaga i te Tusi Tapu. [Faitau te Salamo 46:9.] Se mea gali me i mea kolā ne ‵tupu i te Taua Muamua a te Lalolagi mo mea foki mai tua e tuku mai i ei te loto talitonu me ko pili o fakataunu ne te Atua a te valoaga tenei kae ka fakagata atu ei a taua ki te se-gata-mai. E fakamatala mai eiloa i te mekesini tenei.”