Pati Fakatomua Fesoasoani

Ke Kamata a Akoga Faka-te-Tusi Tapu i te Aso Ono Muamua i a Iulai

“Toeitiiti ko tino katoa i te ‵tou fa‵kai e fia ola leva kae fia‵fia. Tela la, e fia iloa ne matou tou manatu e uiga ki te fesili tenei: E mata, e mafaufau koe me e mafai o fai ne poto fakasaienisi mo togafiti fakatokita ke ola leva tatou i se aso e tasi? [Faka‵tali ki se tali.] Mafaufau la ki pati kolā e fai mai i konei.” Ke fakaasi atu te ‵kava mai tua o te Faleleoleo Maluga i a Iuni, kae mafau‵fau fakatasi ki fakamatalaga mai lalo i te fesili muamua mo se tusi faitau e tasi. Ke ofo atu te mekesini, kae fakatoka ke toe foki atu o sau‵tala ki te suā fesili.

E ‵tau o fai se fakaasiga ki pati fakatomua konei i te fakatasiga mō te galuega talai i a Iulai 6.

Te Faleleoleo Maluga Iulai 1

“E isi eiloa ne lotu a tino e tokouke kolā e fai‵pati atu matou ki ei. Kae e fai mai a nisi tino me ko se toe fia tali‵tonu latou ki lotu. E pefea ou lagonaga e uiga ki lotu? [Faka‵tali ki se tali.] Ne tuku mai ne Iesu a fakamatalaga ke fesoasoani mai ke iloilo aka ne tatou ki ei se lotu. [Faitau te Luka 6:44a.] E fakamatala mai i te mekesini tenei a nisi fuataga ma‵sei kolā ko oti ne ‵fua mai i lotu. E tali mai foki i ei a te fesili tenei, E mata, e isi se lotu telā e ‵tau o talitonu ki ei?”

Te Tala ‵Lei Mai te Atua!

“E āsi atu matou ki kāiga takitasi i te otou auala tenei ke fakaasi atu se manatu fakamalosi loto mai te Tusi Tapu. E mafau‵fau a tino e tokouke kolā ne fai‵pati matou ki ei me kaia e talia ei ne se Atua alofa a logo‵maega e uke i te lalolagi. E mata, e mafaufau koe me i logo‵maega se vaega o te fuafuaga muamua a te Atua mō te lalolagi?” Faka‵tali ki se tali. Ka oti, ko ‵suke ei ki te Mataupu e 5, ko faitau kae sau‵tala ei ki te avā palakalafa muamua mo tusi fai‵tau i mataimanu ‵kese. Ofo atu te polosiua, kae fai a fakatokaga ke toe foki atu o sau‵tala ki te suā fesili i mataimanu uli malosi.