Pati Fakatomua Fesoasoani

Faleleoleo Maluga Apelila 1

“E uke ‵ki a manatu e uiga ki a Iesu. E mafau‵fau a nisi tino me i a ia ko te Mesia telā ne folafola mai. E mafau‵fau a nisi tino me i a ia se tagata ‵lei fua. Kae koi tali‵tonu a nisi tino me e seai eiloa se tino penā. Se a tou manatu? [Faka‵tali ki se tali.] E ‵tusa mo te Tusi Tapu, se mea tāua ‵ki ke iloa a te munatonu e uiga ki a ia. [Faitau te Ioane 17:3.] E fakaasi mai i te mekesini tenei a tali i te Tusi Tapu ki nisi fesili masani e uiga ki a Iesu.”

Faleleoleo Maluga Me 1

“E fakamanatu ne tino e tokouke a te aso fanau o Iesu, kae se a tau faka‵tau, e mata, e tāua ke masaua ne tatou a te mate o Iesu?” Faka‵tali ki se tali. Ka oti, ko tuku atu ei ki te tino i te fale a te Faleleoleo Maluga i a Me 1, kae mafau‵fau fakatasi ki fakamatalaga mai lalo i te ulutala muamua i te itulau e 10 kae ke faitau atu se tusi faitau e tasi. Ke fakatoka o toe foki atu o sau‵tala ki te suā fesili.