Pati Fakatomua Fesoasoani

Tefea te Koga e Mafai ei o Maua ne Tatou a Tali ki Toe Fesili Tāua i te Olaga?

Tuku atu te tamā pepa ki te tino i te fale ke lavea ne ia te ulutala kae fai atu: “Talofa. E fai ne matou se galuega fakapito i te lalolagi kātoa ke fakaoko atu te fekau tāua tenei. Tenei tau pepa.”

Kafai e tuku ne koe te tamā pepa i fale kolā e ‵galo a tino i ei, tuku ki se koga telā e mafai o lavea ne tino i te fale kae ke mo a ma fetufetu.

Kafai ko fiafia mai te tino i te fale io me manako o faipati, e mafai o ‵sili atu koe me se a tena tali ki te fesili mai mua o te tamā pepa. Suke te tamā pepa, kae fakaasi atu ki a ia a pati i te Salamo 119:​144, 160. Fakamatala atu ki ei me e aofia i te tamā pepa tenā a fakamatalaga e uiga ki te Web site telā e mafai o fesoasoani atu ke maua ne ia a tali fakamalie loto mai te Tusi Tapu. Kāti e mafai ne koe o fakaasi atu ki a ia a ata kolā e maua i te vitio Kaia e ‵Tau ei o Sukesuke ki te Tusi Tapu? Koi tuai koe o fano, fakasino atu ki fesili e tolu i tua o te tamā pepa kae ‵sili atu me se a te fesili i toe fesili tāua konei e manavase malosi a ia ki ei. Fai atu ki ei me ka toe foki atu koe ke fakaasi atu ki a ia te auala e mafai o maua ne ia a tali mai te Tusi Tapu ki te fesili tenā mai te fakaaogaga o te jw.org. Kafai e foki koe, ke ‵sautala ki tali mai lalo o te ulutala BIBLE TEACHINGS > BIBLE QUESTIONS ANSWERED.

Kafai e tufatufa atu foki ne koe a pepa ‵kami o te fono i te atufenua, tuku atu ki te tino te pepa ‵kami fakatasi mo te tamā pepa tenā kae toe fai atu, “Ko tuku atu foki ne matou se ‵kamiga ki te fono i te atufenua ka fai ne matou mai mua nei.”

Te Faleleoleo Maluga Aokuso 1

I fakaotiga o vaiaso, e mafai ne koe o fai atu a pati fakatomua konei a koi tuai o ofo atu a Te Faleleoleo Maluga: “E fiafia foki matou o tuku atu a omotou mekesini fou. E tali mai i Te Faleleoleo Maluga tenei a te fesili, E mata, e fiafia tonu te Atua ki a koe?”