Ke Fakaaoga te Tamā Pepa Fou e Uiga ki te ‵Tou Web Site

A te tamā pepa tenei e fakaulutala penei, Tefea te Koga e Mafai ei o Maua ne Tatou a Tali ki Toe Fesili Tāua i te Olaga? E tolu a fesili kolā ne fakasae aka mai tua o te tama pepa tenā. Kafai e maua se avanoaga, ke ‵sili atu ki te tino me tefea te fesili e fiafia malosi a ia ki ei kae fakasino atu ki a ia ke fano ki BIBLE TEACHINGS > BIBLE QUESTIONS ANSWERED i te Web site ke maua ne ia te tali ki ei. Ka maua foki ne ia i konā a tali ki fesili konei, Se a te Malo o te Atua? Kae se a te mea ka fakataunu ne te Malo o te Atua?

Taumafai ke isi faeloa ne au ‵kopi o te tamā pepa tenei ke fesoasoani atu ki tino ke tauloto ki mea i te Tusi Tapu e uiga ki se olaga gali i aso mai mua mai lalo i te Malo o te Atua.