Se Fesili Ke Mafaufau ‵Loto ki ei

◼ Ko te Taimi Fea e ‵Tau ei o Taofi se Akoga Faka-te-Tusi Tapu?

Kafai ko sē gasolo ki mua se akoga faka-te-Tusi Tapu i te feitu faka-te-agaga, e mafai o taofi ne tatou i se auala poto a tena akoga. (Mata. 10:11) Mafaufau ki mea konei: E mata, e fakamaoni a ia ki taimi e fai ei tena akoga? E mata, e fakatoka faka‵lei ki te mataupu telā e fai ei tena akoga? E mata, e isi se fakatasiga a te fakapotopotoga ne kau ki ei? E mata, e fakaasi atu ne ia ki nisi tino ana mea ne tauloto? E mata, e isi ne ‵fuliga ne fai ne ia ki tena olaga ke fetaui mo fakatakitakiga faka-te-Tusi Tapu? E tonu, se mea ‵tau ke mafau‵fau ki tena matua mo ana mea e mafai o fai ona ko te mea e kese‵kese te auala e ga‵solo ei ki mua a tino taki tokotasi. Kafai foki ko oti ne taofi te faiga o te akoga, ke masaua o tuku atu faeloa se avanoaga ke mafai o toe faka‵soko te faiga o tena akoga i aso mai mua.​—1 Timo. 2:4.