Momea aka ‵tou Atamai i te Galuega Talai​—Ke Fakaaoga a Vitio i te Akoako Atu

TE POGAI E TĀUA EI:

E mafai o otia a loto o tino i mea e lavea kae lagona ne latou. E fesoasoani atu te mea tenei ke ‵saga tonu atu kae masaua faeloa ne latou. Ne tuku mai eiloa ne Ieova te ‵toe fakaakoakoga ‵lei mai te fakaaogaga o mea matea ke akoako atu.—Ga. 10:9-16; Fa 1:1.

A vitio ko te E Mata, e Isi se Igoa o te Atua?, Ko oi ne Tusi ne Ia te Tusi Tapu?, mo te Kaia e Talitonu Koe me e Tonu Eiloa te Tusi Tapu? e olo fakatasi mo te mataupu e 2 mo te 3 i te polosiua ko te Tala ‵Lei. A vitio ko te Kaia e ‵Tau ei o Sukesuke ki te Tusi Tapu?, Ne a Mea e Fai i se Akoga Faka-te-Tusi Tapu?, mo te Ne a Mea e Fai i se Kingdom Hall? E fakamalosi atu ki tino ke suke‵suke ki te Tusi Tapu io me ke ‵kau mai ki fakatasiga. E mafai foki o fakaaoga a nisi vitio tai ‵loa ke akoako atu ‵tou akoga faka-te-Tusi Tapu.—km 5/13 3.

TE AUALA KE FAI EI:

• ‵Kopi mai a vitio e manako koe ke fakaasi atu ki te tino i te fale

• Fakatoka se fesili e tasi io me lua telā ka tali mai i te vitio

• Onoono ki te vitio

• Sau‵tala ki manatu i ei

TOFOTOFO KI TE MEA TENEI:

• ‵Fuli ki te ‵toe itulau o se tamā pepa e tasi kae fakasino atu ki te code telā e fanatu ‵tonu ei ki te vitio ko te Kaia e ‵Tau ei o Sukesuke ki te Tusi Tapu?

• Fakaasi atu te vitio ko te Kaia e Talitonu Koe me e Tonu Eiloa te Tusi Tapu? kae ke ofo atu a te polosiua ko te Tala ‵Lei, kae faka‵mafa atu a te mataupu e 3