Pati Fakatomua Fesoasoani

THE WATCHTOWER

Fesili: E ma‵nako katoa tatou ki fakamafanafanaga i nisi taimi. Kae e mafai o maua ne tatou i fea?

Tusi Faitau: 2Ko 1:3, 4

Fai Atu: E fakamatala mai i te lōmiga tenei o The Watchtower a te auala e tuku mai ei ne te Atua a vaegā fakamafanafanaga penā.

THE WATCHTOWER (itulau fakaoti)

Fesili: A nisi tino e mafau‵fau me i te Malo o te Atua se mea i te loto o te tino; nisi e mafau‵fau me ko te ikuga o taumafaiga a tino ke aumai te filemu ki te lalolagi. Kae se a tau faka‵tau?

Tusi Faitau: Ta 2:44

Fai Atu: E ‵tusa mo pati i te Tusi Tapu, a te Malo o te Atua se pulega tonu. E maua i te mataupu tenei a fakamatalaga e uke e uiga ki nisi mea kolā e fakaasi mai i te Tusi Tapu e uiga ki te Malo o te Atua.

AKOAKO ATU TE MUNATONU

Fesili: E iloa pefea ne tatou i te Atua e atafai mai ki a tatou?

Tusi Faitau: 1Pe 5:7

Akoakoga Tonu: E ‵kami ne te Atua tatou ke ‵talo atu ki a ia me i a ia e atafai mai eiloa.

TUSI KI LALO AU PATI FAKATOMUA TOTINO

Fakaaoga a fakaakoakoga mai luga ke fakatoka ki ei au pati fakatomua totino i te galuega talai.