Te Auala e Fakatoka ei a Tali ‵Gali

A tali ‵gali e fakamalosi aka i ei a te fakapotopotoga. (Lo. 14:19) E aoga foki ki a latou kolā e fai ne latou a olotou tali. (Fat 15:23, 28) Tela la, e ‵tau o taumafai tatou ke fai fua se tali e tasi i fakatasiga takitasi. E tonu, e se filifili tatou i taimi katoa e sisi ei ‵tou lima. Tela la, se mea gali ke fakatoka ne nāi tali mā koe.

A te tali gali . . .

• e faigofie, manino kae toetoe. I te ukega o taimi, e mafai o fai ne koe se tali i se 30 sekone io me mu‵tana ifo

• e ‵lei fakafia atu ma fai loa ne koe i au pati totino

• e se manakogina i ei ke fakafokifoki a tali kolā ko oti ne fai muamua

Kafai koe ko te tino muamua ne fili . . .

• fai se tali faigofie, telā e tali ‵tonu atu eiloa ki te fesili

Kafai ko oti ne tali aka a te fesili, e mafai ne koe o . . .

• fakamatala atu a te auala e fetaui ‵lei ei a te tusi faitau ki te manatu telā ko oti ne tali aka

• fakaasi atu te auala e aoga ei te manatu tenā ki ‵tou olaga

• fakamatala atu a te auala e mafai ei ne tatou o fakaaoga a te manatu tenā

• fakamatala fakatoetoe mai se tala telā e faka‵mafa mai i ei a te manatu tāua tenā