‘Tenei Au! Uga Atu Au!’

A te agaga o te loto fiafia ke tuku atu telā ne maua ne Isaia, se fakaakoakoga gali e ‵tau o fakaakoako ki ei. Ne fakatuanaki kae saga atu fakavave ki mea e manakogina, faitalia loa e se iloa ne ia a mea katoa e manakogina. (Isa 6:8) E mata, e mafai o toe iloilo aka a ou fakanofonofoga ko te mea ke tavini atu i se koga e manakogina malosi a tino talai o te Malo? (Sal 110:3) E tonu, e manakogina ke “nofo muamua ki lalo o galue tena ‵togi” a koi tuai o fai se fakaikuga. (Lu 14:27, 28) Tela la, ke loto fiafia o tuku atu au mea mō te galuega talai. (Mat 8:20; Male. 10:28-30) E pelā mo te mea e faka‵mafa mai i te vitio ko te Ga‵sue ke Tavini i Koga e Lasi i ei te Manakoga, a fakamanuiga ka maua ne koe i te tavini atu ki a Ieova e lasi atu i lō so se mea aka.

KAFAI KO OTI NE ONOONO KI TE VITIO, KE TALI AKA A FESILI KONEI:

• Ne a mea totino ne tiakina ne te kāiga o Williams ko te mea ke tavini atu latou i te fenua o Ecuador?

• Ne a tulaga ne onoono faka‵lei latou a koi tuai o fai te olotou fakaikuga ki te koga e olo ei latou o tavini atu?

• Ne a fakamanuiga ne maua ne latou?

• Te koga fea e maua ne koe a fakamatalaga e uke e uiga ki koga kolā e lasi te manakoga ke tavini atu i ei?

I TE SUĀ TAPUAKIGA A TE KĀIGA, KE SAU‵TALA KI FESILI KONEI MAI LALO:

• E mafai pefea ne tatou o fakalauefa ‵tou galuega talai e pelā me se kāiga? (km 8/11 4-6)

• Kāfai e se mafai o tavini atu tatou i se koga e manakogina malosi, i auala fea e mafai o fesoasoani atu tatou ki ‵tou fakapotopotoga? (w16.03 23-25)