Olo Atu ki Koga e Manakogina Malosi a Tino Talai

E manakogina a te fakatuanaki ke gasue mai tou koga nofo masani ki se koga fou ke fakalauefa aka ei tau galuega talai. (Epe 11:8-10) Kafai e fakamoemoe koe ke gasue atu ki se koga e manakogina malosi ei a tino talai, faipati atu ki toeaina. Ne a au mea e ‵tau o fai ko te mea ke iloa aka ne koe te aoga o te fakamoemoega tenā? Ke fai‵tau ki mataupu i ‵tou tusi e uiga ki te tavini atu i se koga e manakogina malosi ei a tino talai. Faipati atu ki a latou kolā ne mafai o ga‵sue atu ki se suā fakapotopotoga mo te manuia. (Fat 15:22) ‵Sala atu ki te takitakiga a Ieova e auala i se ‵talo. (Iak 1:5) Ke iloilo faka‵lei so se koga e mafaufau ke fano koe ki ei, kae kafai e mafai, ke asi atu ki te koga tenā mō ne nāi aso a koi tuai o fai tau fakaikuga.

ONOONO KI TE VITIO KO TE ULU ATU KI TE MATALOA O GALUEGA I TE FAKATUANAKI—OLO ATU KI KOGA E MANAKOGINA MALOSI A TINO TALAI, KAE KE TALI AKA A FESILI KONEI:

• Ne a mea faiga‵ta ne fe‵paki mo Gabriel, kae ne a mea ne fesoasoani atu ki a ia?