KE OLA E PELĀ ME NE KELISIANO
‘Ieova, Toku Fakatuanaki e i a Koe’
Se mea tāua ke tali‵tonu ki a Ieova i taimi ‵lei mo taimi ma‵sei. (Sal 25:1, 2) I te valu o senitenali T.L.M., ne fe‵paki a te kau Iutaia i Iuta mo se tulaga faigata telā ne tofotofo aka te lotou loto tali‵tonu ki te Atua. E tuku mai eiloa ne mea kolā ne ‵tupu a akoakoga e uke mō tatou. (Lo 15:4) Mai tua o te onoono ki te vitio ‘Ieova, Toku Fakatuanaki e i a Koe,’ ka tali mai pefea ne koe a fesili konei?
Se a te tulaga faigata ne fepaki mo Hesekia?
Ne fakagalue aka pefea ne Hesekia a te akoakoga fakavae i te Faataoto 22:3 i te taimi ne fakatalitali ki te taimi e mafai ei o nikoi te fa‵kai?
Kaia ne seki mafaufau a Hesekia ke talia te lotou takavale i te kau Asulia io me fakatoka se va fakataugasoa mo Aikupito?
Ne fai pefea a Hesekia mo fai se fakaakoakoga ‵lei mō Kelisiano?
Ne a tulaga i aso nei e tofotofo aka ‵tou loto tali‵tonu ki a Ieova?