KOLOA MAI TE MUNA A TE ATUA | MATAIO 10-11
Ne Tuku Atu ne Iesu se Malosi Fou
“E amogofie taku amo”
E pelā me se kamuta, ne iloa ne Iesu o faite se amo, kāti mai te ‵sai ki se laugatu io me se fusi ko te mea ke amogofie. Kafai e talia ne tatou te amo a Iesu mai te fai mo ana soko i te taimi o ‵tou papatisoga, ka fakamā‵ma ne tatou a galuega mo tiute faiga‵ta, kae se mea fakamalosi a te faiga ne tatou o te mea tenā me e iku atu i ei ki fakamanuiaga e uke.
Ne a fakamanuiaga ne maua ne koe i te taimi ne amo ei ne koe te amoga a Iesu?