“Ke Tumau i te Matapula‵pula”

25:1-12

E tiga eiloa ne fakasino tonu atu a Iesu ki te tala fakatusa e uiga ki tamafine e tokosefulu ki ana soko fakaekegina, kae ko tena fekau e aoga ki Kelisiano katoa. (w15 3/15 12-16) “Ke tumau i te matapula‵pula, me e se iloa ne koutou te aso io me ko te itula.” (Mat 25:13) E mata, e mafai o fakamatala mai ne koe te tala fakatusa a Iesu?

• Tagata ka Fakaipoipo (fuaiupu 1)—Iesu

• Tamafine ‵poto kolā ne toka ‵lei (fuaiupu e 2)—Ko Kelisiano fakaekegina kolā ne fakatoka faka‵lei o fakataunu te olotou tiute mo te fakamaoni kae e maina atu ke oko eiloa ki te gataga (Fpi 2:15)

• Te kalaga: “Ko oko mai te tagata ka fakaipoipo!” (fuaiupu e 6)—Fakamaoniga o te fakatasi mai o Iesu

• Tamafine va‵lea (fuaiupu e 8)—Kelisiano fakaekegina kolā ne olo atu o fakafetaui mo te Tagata ka fakaipoipo kae ne seki tumau i te matapula‵pula mo te fakamaoni

• Ne seki ma‵nako a tamafine ‵poto o tuku atu olotou sinu (fuaiupu e 9)—Mai tua o te fakamailogaga fakaoti, ko talimuli eiloa mō te kau fakaekegina fakamaoni ke fesoasoani atu ki a latou kolā ko kamata o se fakamaoni

• “Kae oko mai te tagata ka fakaipoipo” (fuaiupu e 10)—Ko Iesu ko vau o fai te fakamasinoga māfai ko pili o oti atu a te fakalavelave lasi

• Ne ulu atu tamafine ‵poto kolā ko toka ‵lei fakatasi mo te tagata ka fakaipoipo ki loto i te ‵kaiga o te avaga kae ‵pono te mataloa (fuaiupu e 10)—E fakamaopoopo ne Iesu ana tino fakaekegina fakamaoni ki te lagi, kae ka galo atu i a latou kolā ne seki fakamaoni a te fakamoemoega ke ola i te lagi