Faka‵leiga i te Sapati

3:1-5

Kaia ne fanoanoa malosi ei a Iesu i kilokiloga a takitaki lotu Iutaia? Ona me ne fai ne latou a te Sapati e pelā me se amoga ‵mafa mai te fakaopoopo atu ne latou a tamā fakataputapuga e uke. E pelā me se fakaakoakoga, ne fakatapu ne latou a te tamatega o se tamā manu pelā mo te kutu. A te faka‵leiga o so se masaki e fakatapu i te tulafono māfai fua ko tu te ola o se tino i se tulaga fakamataku. Ko tena uiga a ivi kolā e ‵fati io me ma‵kui e se mafai o faka‵lei i te Sapati. E manino ‵lei, me ne seki fia ‵saga atu eiloa a takitaki lotu ki te tagata telā ne ‵mate tena lima.