KE OLA E PELĀ ME NE KELISIANO

Ke Atamai i te Fakaaogaga o Mea i Loto i ‵Tou Pokisi o Mea Faigaluega ke Akoako Atu

Fakaaoga te Tusi Tapu mo se polosiua ke talai atu ki se tagata

A te faiga o soko e pelā eiloa mo te faitega o se fale. Ke faite te fale i se auala ‵lei, e ‵tau o iloa ne tatou o fakaaoga fakalei a ‵tou mea faigaluega mo fai a akoakoga. E manakogina malosi ke ati aka ‵tou ata‵mai i te fakaaogaga o te ‵toe mea faigaluega tāua, ko te Muna a te Atua. (2Ti 2:15) E manakogina foki ke ata‵mai tatou i te fakaaogaga o nisi tusi mo vitio i ‵tou Pokisi o Mea Faigaluega—mo te fakamoemoega ke fai a soko.a

E mafai pefea o momea aka te ‵lei o te fakaaogaga ne koe a te Pokisi o Mea Faigaluega ke akoako atu? (1) ‵Sili atu ki te ovasia o te galuega talai mō se fesoasoani, (2) ga‵lue fakatasi mo te tino talai apo io me se paenia, kae (3) fakaakoako, fakaakoako, fakaakoako. Kafai ko atamai koe i te fakaaogaga o tusi mo vitio konei, ka maua ne koe te fiafia i te faiga o tau galuega faka-te-agaga telā ko fai nei.

MEKESINI

POLOSIUA

Fakalogo ki te Atua ke Ola ei Koe ki te Se-Gata-Mai

Ko oi e fai ne Latou te Loto o Ieova i Aso Nei?

TUSI

TAMĀ PEPA

E Maua Pefea ne Tatou se Olaga Fiafia i te Kāiga?

E mata, e mafai eiloa o toe ola mai a tino ‵mate?

Tefea te koga e mafai ei o maua ne tatou a tali ki toe fesili tāua i te olaga?

VITIO

Kaia e ‵Tau ei o Sukesuke ki te Tusi Tapu

Ne a mea e fai i se Akoga Faka-te-Tusi Tapu?

PEPA ‵KAMI

PEPA KI TE FAKATUATUSI KO TE JW.ORG

a A nāi tusi kolā e se maua i ‵tou Pokisi o Mea Faigaluega ne ‵lomi eiloa ke fakapitoa mō nisi tino. E mafai o fakaaoga a mea konei māfai e manakogina.