KE OLA E PELĀ ME NE KELISIANO
Fesokotakiga i Luga i te Itaneti—‵Kalo Kea‵tea Mai Fakalavelave
TE POGAI E TĀUA EI: E pelā mo te ukega o mea faigaluega, a fesokotakiga i luga i te itaneti e mafai o aoga io me fakamataku. E filifili aka ne nisi Kelisiano ke sē fakaaoga a fesokotakiga i te itaneti. E fakaaoga ne nisi Kelisiano a fakatuatusi konā ke mafai o fesokotaki atu ki kāiga mo taugasoa. Kae e manako eiloa te Tiapolo ke fakaaoga ne tatou a mea tau fesokotakiga konā i se auala valea, telā e mafai o fakamasei ei ‵tou ata io me ko ‵tou feitu faka-te-agaga. E pelā mo Iesu, e mafai o fakaaoga ne tatou a fakatakitakiga mai te Muna a te Atua ke mafai o iloa aka ne tatou a mea fakama‵taku kae ke ‵kalo kea‵tea mai i ei.—Luk 4:4, 8, 12.
FAKALAVELAVE KE ‵KALO KEA‵TEA MAI I EI:
Fakaaoga malosi a fesokotakiga i luga i te itaneti. A te fakamāumāu o itula e uke ke fakaaooga a fesokotakiga i luga i te itaneti e mafai o taofi aka i ei a taimi tāua mō mea faka-te-agaga.
Fakatakitakiga Faka-te-Tusi Tapu: Efe 5:15, 16; Fpi 1:10
Onoono atu ki fakatuatusi sē ‵lei. A te onoono atu ki ata kolā e fakamalosi aka i ei a lagonaga ma‵sei e mafai o takitaki atu ei ki te umiti ki ata ma‵sei. A te faitau ki manatu o aposetate io me ko fakatuatusi kolā e faka‵pa i ei olotou manatu e mafai o fakamasei ne ia ‵tou fakatuanaki.
Faka‵pa a manatu sē ‵lei io me ne ata i te itaneti. Ona ko te loto e mafai o fakaloiloigina, e mafai eiloa o fakamalosi aka se tino ke faka‵pa atu ne ia a manatu sē ‵lei io me ne ata sē ‵lei i luga i fakatuatusi mō fesokotakiga. Kae e mafai ne te mea tenei o fakamasei a te ata o se tino io me fai ei a ia ke siga i te feitu faka-te-agaga.
Fakatakitakiga Faka-te-Tusi Tapu: Lom 14:13; Efe 4:29
KE ONOONO KI TE VITIO, KE POTO I TE FAKAAOGAGA O FESOKOTAKIGA I TE ITANETI, KA OTI KO ONOONO EI KI AUALA KE ‵KALO KEA‵TEA MAI FAKALAVELAVE KONĀ: