Ko oi Ou Taugasoa i te Itaneti?

A te taugasoa e fakauiga loa ki se “tino telā e ‵pili tena vā ki te suā tino.” E pelā me se fakaakoakoga, ne kamata o ati aka ne Ionatana mo Tavita se vā fakataugasoa ‵mautakitaki mai tua o te tamatega ne Tavita a Koliata. (1Sa 18:1) Ne fakaasi ne tāgata konei a uiga kolā ne fai ei ke ‵pili te lā va. Tela la, ne fakavae a vā fakataugasoa ma‵losi penei ki te iloaga tonu. A te iloa o te suā tino e manakogina i ei a taimi mo taumafaiga. Kae i luga i te itaneti e faigofie fua, e ‵toko fua ne koe te pate, ko maua i ei tou “taugasoa.” Ona ko te mea ko mafai ne tino kolā e fakaaoga te itaneti o palani olotou pati e fai kae taumafai o fakaloiloi a tino e uiga ki a latou, e faigofie ke ‵funa ne latou a fakamatalaga ‵tonu e uiga ki a latou. Tela la, se mea ‵lei ke mafaufau faka‵lei koi tuai o fakaiku aka me ko oi ka talia ne koe ke fai mo ou taugasoa. Sa mataku o se talia se fakamolemole mai se taugasoa telā e se iloa lele ne koe kae mafaufau me e fakalogo‵mae ne koe ana lagonaga. Mai te kilo atu ki mea fakama‵taku kolā ka mafai o ‵tupu, nisi tino ko oti ne filifili aka ke sē fakaaoga a auala fesokotaki konei i te itaneti. Kae kafai e filifili aka ke fakaaoga ne koe a te itaneti, se a te mea e ‵tau o masaua ne koe?

ONOONO KI TE VITIO KE POTO I TE FAKAAOGAGA O FESOKOTAKIGA I TE ITANETI, KAE TALI AKA A FESILI KONEI MAI LALO:

• 

  Se a te mea e ‵tau o mafaufau muamua koe ki ei koi tuai o faka‵pa ou manatu mo ata?

• 

  Kaia e ‵tau o filifili faka‵lei ne koe ou taugasoa i te itaneti?

• 

  Kaia e ‵tau o fakatapula ne koe te aofaki o taimi e fakamāumāu i luga i te itaneti?—Efe 5:15, 16