Ke Fakamāumāu Ou Taimi mo Latou Kolā e A‵lofa ki a Ieova

Kaia e ‵tau o fakamāumāu ‵tou taimi mo latou kolā e a‵lofa ki a Ieova? Ona me e mafai o fakamalosi mai a ‵tou taugasoa i auala ‵lei io me i auala ma‵sei. (Fat 13:20) E pelā me se fakaakoakoga, ne fai faeloa ne te Tupu ko Ioasa “a te mea tonu i te kilokiloga a Ieova” ona me ne fakamāumāu ne ia ana taimi e uke mo te Faitaulaga Sili ko Ieoiata. (2No 24:2) Mai tua ifo o te matega a Ieoiata, ne fulitua atu a Ioasa ki a Ieova ona ko taugasoa ma‵sei.—2No 24:17-19.

I te senitenali muamua T.A., ne fakatusa ne Paulo a te fakapotopotoga Kelisiano ki se “fale lasi” kae ko tino i ei ki “meāfale.” Ka tumau eiloa tatou i te fai mo fai ne “mea faigaluega aoga” māfai e ‵kalo kea‵tea tatou mai te fai taugasoa ki so se tino, io me se tino i te kāiga io me ko te fakapotopotoga, telā e fai ne ia a mea kolā e se fakafiafia atu ki a Ieova. (2Ti 2:20, 21) Tela la, ke tumau tatou i te fai taugasoa mo latou kolā e a‵lofa ki a Ieova kae fakamalosi mai ke tumau tatou i te tavini atu ki a ia.

KE ONOONO KI TE VITIO FAKAAKOAKO O ‵TEKE A TAUGASOA MA‵SEI, KO TALI EI A FESILI KONEI:

• E aunoa mo te iloa ne tatou, ne a auala e mafai ei o fai taugasoa tatou mo tino ‵se?

• I te vitio tenei, se a te mea ne fesoasoani atu ki Kelisiano tokotolu ke ‵kati olotou fesokotakiga mo taugasoa ma‵sei?

• Ne a fakatakitakiga mai te Tusi Tapu ka fesoasoani atu ki a koe ke filifili faka‵lei ou taugasoa?