E Fakaasi Atu ne Tatou a te Alofa Mai te ‵Lago ki Polopolokiga a Ieova

A te fakatea se puipuiga ki te fakapotopotoga kae polopoloki ei a tino fai mea ‵se kolā e se sala‵mo. (1Ko 5:6, 11) Kafai e ‵lago tatou ki te polopolokiga tenā mai i a Ieova, e fakaasi atu ne tatou te alofa. E mafai pefea o tonu te manatu tenā, māfai te fakatea se mea telā e logo‵mae i ei a tino kolā e aofia i ei, e pelā mo kāiga ‵pili mo te komiti fakamasino?

Kae sili i mea katoa, ko te fakaasi atu ne tatou a te alofa ki te igoa o Ieova mo ana tulaga ‵malu. (1Pe 1:14-16) E fakaasi atu foki ne tatou a te alofa ki te tino fakatea. E tiga eiloa e logo‵mae a polopolokiga ‵mafa, kae e fua mai ei “te fuataga filemu o te amiotonu.” (Epe 12:5, 6, 11) E se faka‵logo tatou ki polopolokiga a Ieova māfai e fesokotaki tatou mo se tino fakatea io me se tino telā ko se fia ‵kau fakatasi mo tatou. Masaua me polopoloki ne Ieova ana tino e “‵tusa mo te mea e ‵tau o maua” ne latou. (Iel 30:11) Kafai e ‵lago tatou ki polopolokiga a Ieova kae fakatumau ne tatou a ‵tou polokalame faka-te-agaga, ka fakamoe‵moe faeloa tatou ke foki mai a te tino tenā ki te ‵tou Tamana alofa fakamagalo.—Isa 1:16-18; 55:7.

ONOONO KI TE VITIO TUMAU I TE FAKAMAONI MO SE LOTO ‵KAUFAKATASI, KAE TALI A FESILI KONEI:

• 

  E logo‵mae pefea a mātua Kelisiano māfai ko tiaki ne se tamaliki a Ieova?

• 

  E mafai pefea ne te fakapotopotoga o ‵lago atu ki kāiga fakamaoni konā?

• 

  Se a te tala i te Tusi Tapu e fakaasi mai ei a te tāua o te ‵tou fakamaoni ki a Ieova i lō te a‵lofa ki kāiga?

• 

  E fakamaluga pefea ne tatou te fakamaoni ki a Ieova i lō te a‵lofa ki kāiga?