Akoakoga Mai te Olaga o Samuelu

Ne tumau a Samuelu i te fakamaoni ki a Ieova i tena olaga kātoa. E pelā me se tamaliki tagata, ne seki talia ne ia ke fakamasei a ia ne tamaliki tāgata a Eli, ko Hofeni mo Fineaso. (1Sa 2:22-26) I te taimi ko gasolo aka a ia o tamataene, ne fakatasi atu a Ieova ki a ia. (1Sa 3:19) E pelā me se toeaina, ne tumau eiloa a ia i te sasale i auala o Ieova, faitalia me seki fai penā ana tamaliki tāgata.—1Sa 8:1-5.

Se a te mea e tauloto ne tatou mai te fakaakoakoga a Samuelu? Kafai koe se talavou, ke loto talitonu me e malamalama a Ieova i mea faiga‵ta e fe‵paki mo koe penā foki ou lagonaga. E mafai o fesoasoani atu a ia ki a koe ke loto malosi. (Isa 41:10, 13) Kafai koe se mātua telā tau tama e se tapuaki ki a Ieova, ke maua a fakamafanafanaga mai te iloa atu me ne seki mafai ne Samuelu o faimalo ana tama‵liki tāgata ke tumau i te fakamaoni ki tulaga o Ieova. E tiga eiloa ne tuku atu ne ia te fakalavelave tenā ki lima o Ieova, ne fakatumau ne Samuelu tena loto fakamaoni ki tena Tamana faka-te-lagi ko Ieova. Kāti ka fakamalosi aka ne tau fakaakoakoga ‵lei a tau tamaliki ke toe foki mai ki a Ieova.

ONOONO KI TE VITIO TAULOTO MAI I A LATOU—SAMUELU, KO TALI AKA EI A FESILI KONEI MAI LALO:

• 

  Ne fakaasi atu pefea ne Samuelu te loto malosi e pelā me se tamaliki tagata?

• 

  Ne fakaasi atu pefea ne Danny a te loto malosi?

• 

  I te auala fea ne fai ei a Samuelu mo fakaakoakoga ‵lei i te taimi ko toeaina ei?

• 

  I te auala fea ne fai ei a mātua o Danny e pelā me se fakaakoakoga ‵lei?