Fakatoka a Fakamoemoega mō te Vaitau o te Fakamanatuga

I tausaga katoa, e olioli eiloa a tino o Ieova ke fakamanatu fakatasi ne latou a te Fakamanatuga. I vaiaso mai mua o te Fakamanatuga, penā foki māfai ko oti, e fakaaoga ne tatou a avanoaga fakapito ke ‵viki kae fakafetai atu ki a Ieova mō te meaalofa ko te togiola. (Efe 1:3, 7) E pelā me se fakaakoakoga, e tuku ‵tou loto ki te ‵kamiga o tino ki te Fakamanatuga. E fai ne nisi tino a fakama‵fuliga ke mafai o paenia mō se 30 io me se 50 itula i te masina o Mati io me ko Apelila. E mata, ka manako koe o fakalauefa atu tau taviniga i te galuega talai i te vaitau o te Fakamanatuga? Se a te mea e mafai o fesoasoani ki a koe ke manuia?

A te faiga o palani e masani o fai ei ke uke atu ‵tou mea e mafai o fai. (Fat 21:5) Ona ko te pili mai o te vaitau o te Fakamanatuga, ke na kamata o fai au palani. Mafaufau faka‵lei ki te auala ka fakalauefa ei tau galuega talai i te vaitau o te Fakamanatuga mo mea kolā e ‵tau o fai ne koe ke taunu ou fakamoemoega. Ka oti ko akai atu ki a Ieova ke fakamanuia mai au taumafaiga.—1Io 5:14, 15.

E mata, e mafai o mafaufau koe ki nisi auala ke fakalauefa aka ei tau galuega talai i te vaitau o te Fakamanatuga?