E Mata, e Fakaaoga Faka‵lei ne Koe a Faitauga Fakalogologo ki te Tusi Tapu?

Se a te faitauga fakalogologo ki te Tusi Tapu? A te faitauga fakalogologo ki te Tusi Tapu se faitauga o Te Tusi Tapu i te Fuliga o te Lalolagi Fou telā ne puke. Ne ‵tala fakasolosolo mai i ‵gana e uke. E tasi te mea aoga i te faitauga fakalogologo ki te Tusi Tapu, ko leo kese‵kese kolā ne fakaaoga i tino kese‵kese i te Tusi Tapu. A pati i ei e faitau faka‵lei ke fakamatala mai i ei a lagonaga kolā e fakaasi mai i ei a te fekau tonu i te Tusi Tapu.

Ne aoga pefea ki nisi tino a te faitauga fakalogologo ki te Tusi Tapu? A te tokoukega kolā ne fakalogo‵logo faeloa ki ei, ne fia‵fia ki te auala ne faitau i ei me ko maina ‵lei latou i te Muna a te Atua. Mai te fakalogo‵logo ki leo o tino kese‵kese kolā e fakaaoga mō tino kese‵kese i te Tusi Tapu, ne fai ei ke faigofie o fakaataata ne latou te mea ne tupu kae ke maina ‵lei i ei. (Fat 4:5) E fai mai te tokoukega o nisi tino me i te faitauga fakalogologo ki te Tusi Tapu ne fesoasoani atu ke fakafeoloolo te lotou manava‵se.—Sal 94:19.

Kafai e fakalogo‵logo ki te Muna a te Atua telā e faitau i se leo maluga ka aoga malosi ki ‵tou olaga. (2No 34:19-21) Kafai e isi se faitauga fakalogologo ki te Tusi Tapu i te ‵gana e malamalama koe i ei faitalia me se vaega toetoe io me se mea kātoa, e mata e mafai ne koe o fakalogologo ki ei e pelā me se polokalame tumau a koe?

KE ONOONO KI TE VITIO FAITEGA O TE FAITAUGA FAKALOGOLOGO KI TE TUSI TAPU—SE VAEGA I EI, KAE TALI AKA TE FESILI MAI LALO:

Se a te mea fakafiafia ki a koe e uiga ki te faitauga fakalogologo ki te Tusi Tapu?