Ne a Ou Fakamoemoega mō te Tausaga Fou Faka-te-Taviniga?

A fakamoemoega faka-te-agaga e aofia i ei so se mea telā e ga‵lue malosi tatou ke fakataunu ko te mea ke mafai o tavini katoatoa kae fakafiafia atu ki a Ieova. E fesoasoani mai a fakamoemoega konā ke ga‵solo tatou ki mua i te munatonu kae ka aoga i ei a ‵tou taimi mo malosi ne fakaaoga ki ei. (1Ti 4:15) Kaia e ‵tau o Iloilo faeloa ne tatou a ‵tou fakamoemoega? Me i fakanofonofoga e mafuli‵fuli. A fakamoemoega mua kāti ko se mafai o fakataunu, io me ko oti ne fakataunu kae ko fai se suā fakamoemoega fou.

A te taimi ‵lei ke fai se fakamoemoega ko te taimi mai mua o kamata te tausaga fou faka-te-taviniga. Kaia e se sau‵tala ki ei i taimi o tapuakiga a kāiga kae fakatoka ne fakamoemoega totino mo fakamoemoega a te kāiga?

Ne a ou fakamoemoega i vaega konei mai lalo, kae ne a au palani e fai ke mafai o fakataunu?