E Tauto Mai te Atua me i te Ola ‵Lei o te Mafaufau ka ‵Lei Katoatoa
E tuku mai ne te Atua e auala i te Tusi Tapu, a manatu mo fakamafanafanaga ke fakafesagai atu ki fakalavelave tau te mafaufau.
Kae uke atu nisi mea ne fai ne te Atua. Ne tauto mai me ka fakaseai katoatoa ne ia a te mafuaga o fakalavelave tau te mafaufau.
Kafai ko fakataunu ne te Atua te tautoga tenā, a lagonaga logo‵mae, fakalavelave tau te mafaufau, mo mea fakalogo‵mae kolā e masaua ne tatou “ka se toe manatua i te mafaufau, kae ka se toe ‵sae aka i te loto.”—Isaia 65:17.
E fia‵fia eiloa a Molimau a Ieova o fesoasoani atu ke iloa ne koe te taimi mo te auala ka fakataunu ei ne te Atua a tena tautoga gali tenei.