A Sukesukega ‵Loto e Fai ei ke Matapula‵pula Tatou

Faitau te Tanielu 9:​1-19 ke tauloto ki te tāua o te faiga o sukesukega ‵loto.

Iloilo te tala kātoa. Ne a mea ne ‵tupu fakamuli, kae ne pokotia pefea a Tanielu i ei? (Tani. 5:29–6:5) E pefea ou lagonaga māfai koe ko Tanielu?

Keli malosi ifo. Ne a “tusi tapu” kāti ne sukesuke ki ei a Tanielu? (Tani. 9:​2, fml.; w11 1/1 22 ¶2) Kaia ne fakaasi atu ei ne Tanielu ana agasala mo agasala a te fenua o Isalaelu? (Levi. 26:​39-42; 1 Tupu 8:​46-50; dp 182-184) E fakaasi mai pefea i te ‵talo a Tanielu me i a ia se tino akoga loto finafinau o te Muna a te Atua?—Tani. 9:​11-13.

Ne a akoakoga? Fesili ifo ki a koe:

• ‘E mafai pefea o kalo kea‵tea au ke mo a ma fakalavelave i mea ‵tupu o te lalolagi?’ (Mika 7:7)

• ‘Ka aoga pefea ki a au a te sukesuke malosi ki te Muna a te Atua, e pelā mo Tanielu?’ (w04 8/1 12 ¶17)

• ‘Ne a mataupu mō sukesukega totino ka fesoasoani mai ki a au ke “tumau i te matapula‵pula”?’ (Mata. 24:​42, 44; w12 8/15 5 ¶7-8)