Te Muamua Nofoaiga Tupu

4 A tama tāgata a Iuta ko Falesa,+ Eselona,+ Kami, Hulo+ mo Sopala.+ 2 A Leaia te tama tagata a Sopala ko te tamana o Iaata; a Iaata ko te tamana o Aumai mo Lahata. Konei a kāiga o tino Sola.+ 3 Konei a tama tāgata o te tamana* o Etama:+ ko Ieseleelu, Isima mo Itipasa (kae ko te igoa o te lotou tuagane ko Haseleleponi), 4 mo Penueli te tamana o Ketoa, kae ko Eseli ko te tamana o Husa. Konei a tama tāgata a Hulo,+ te toekimua a Efalata mo te tamana o Peteleema.+ 5 Asula+ te tamana o Tekoa+ e tokolua ana avaga, ko Hela mo Naala. 6 Ne fanau ne Naala a Ausama, Hefa, Temeni mo Hasetali. Konei a tama tāgata a Naala. 7 Kae ko tama tāgata a Hela ko Sileta, Isala mo Etanu. 8 A Kosi ko te tamana o Anupa, Sopepa mo te kāiga o Alelu te tama tagata a Haluma.

9 Ne fakaaloalogina malosi a Iapesi i lō ana taina; kae ne fakaigoa ne tena mātua a ia ki a Iapesi,* ana muna: “Au ne fanau mo te tigaina i a ia nei.” 10 Ne kalaga atu a Iapesi ki te Atua o Isalaelu, ana muna: “Ke fakamanuia eiloa ne koe au kae faka‵lasi ne koe oku laukele kae fesoasoani mai ki a au o fakasao au mai puapuaga, ko te mea ke seai ne fakalavelave e oko mai ki a au!” Tenā ne avatu eiloa ne te Atua a mea ne fakamolemole mai a ia ki ei.

11 A Kelupa te taina o Suha ko te tamana o Meila, telā ko te tamana o Hesetonu. 12 A Hesetonu ko te tamana o Petelafa, Pasea mo Tehina, te tamana o Ila-nahasa. Konei a tāgata mai Lekaa. 13 Kae ko tama tāgata a Kenasa ko Otinielu+ mo Selaia, kae ko te tama tagata* a Otinielu ko Hatasi. 14 A Meonotai ko te tamana o Ofala. A Selaia ko te tamana o Ioapo te tamana o Kohalasima,* ne fakaigoa latou penā me i a latou ne tufuga faite mea.

15 A tama tāgata a Kalepo+ te tama tagata a Iefune ko Ilu, Ela mo Nama; kae ko te tama tagata* a Ela ko Kenasa. 16 A tama tāgata a Iehaleli ko Sifo, Sifa, Tilia mo Asaleelu. 17 A tama tāgata a Esila ko Ietela, Meleta, Efala mo Ialona; ne faitama tou fafine* kae fanau ne ia a Miliama, Siamai mo Isipa te tamana o Esetemoa. 18 (Ne fanau ne tena avaga Iutaia a Ietele te tamana o Ketoa, Hepela te tamana o Soko, mo Iekutielu te tamana o Sanoa.) Konei a tama tāgata a Pitia te tama fafine a te Falao telā ne avaga mo Meleta.

19 A tama tāgata a te avaga a Hotia, te tuagane o Nahama, ko tamana o Keila te tino Kalema mo Esetemoa te tino Maakata. 20 Kae ko tama tāgata a Simoni ko Amanono, Lina, Penihananu mo Tiloni. Kae ko tama tāgata a Isi ko Soheta mo Penisoheta.

21 A tama tāgata a Sela+ te tama tagata a Iuta ko Elu te tamana o Leka, Laata te tamana o Malesa, mo kāiga o tino e ga‵lue i te faiga o laugatu ‵lei i te fale o Asapea, 22 mo Iokima, tāgata Kosepa, Ieoasa mo Salafa kolā ne a‵vaga mo fāfine Moapi, mo Iasuvileema. A mea konei ne fakamau i aso mua eiloa.* 23 A latou ne tino faite mea ki kele kae ne ‵nofo i Netaima mo Ketelaha. Ne ‵nofo latou i konā kae ga‵lue mō te tupu.

24 A tama tāgata a Simeona+ ko Nemuelu, Iamina, Ialipa, Tila mo Saula.+ 25 A Saluma ko tena tama tagata, a te tama tagata a Saluma ko Mepesama, kae ko te tama tagata a Mepesama ko Mesema. 26 Kae ko tama tāgata a Mesema ko Hamuelu, a te tama tagata a Hamuelu ko Sakula, a te tama tagata a Sakula ko Simei. 27 Kae ko Simei e toko 16 ana tama tāgata kae toko 6 ana tama fāfine; kae e se tokouke a tama tāgata a ana taina, kae seai se kāiga o latou ne uke+ ana tama e pelā mo tāgata Iuta. 28 Ne ‵nofo latou i Pelesepa,+ Molata,+ Hasalasualo,+ 29 Pila, Esema,+ Tolato, 30 Petueli,+ Holema,+ Sikilaka,+ 31 Peta-makapota, Hasalasusima,+ Petapili mo Salaima. Konei olotou fakai ke oko eiloa ki te taimi ne pule ei a Tavita.

32 A koga ne ‵nofo latou i ei ko Etama, Aino, Limoni, Tokene mo Asani,+ e lima fakai, 33 fakatasi mo olotou koga ‵nofo kolā e fakatamilo i fakai konei ke oko atu ki Paala. Konei a igoa ne fakamau i te fakasologa o olotou gafa mo koga ne ‵nofo i ei latou. 34 Kae ko Mesopapu, Iameleke, Iosaha te tama tagata a Amasia, 35 Ioelu, Ieu te tama tagata a Iosipaia te tama tagata a Selaia te tama tagata a Asielu, 36 mo Elioenai, Iakopa, Iesoaia, Asaia, Atielu, Iesimielu, Penaia, 37 mo Siisa te tama tagata a Sifi te tama tagata a Ailona te tama tagata a Ietaia te tama tagata a Similai te tama tagata a Semaia; 38 a tino konei ne taku mai olotou igoa ko takitaki o olotou kāiga, kae ko kaufale o olotou tupuga ne gasolo aka loa o tokouke te lotou aofaki. 39 Kae ne olo atu latou ki te auala e ulu atu ei ki Ketoa, i te feitu ki saegala o te vanu, o ‵sala ki mouku ma olotou lafu mamoe. 40 Fakamuli ifo, ne maua ne latou a koga moukuā kae ‵lei, kae ateatea te fenua tenā, e filemu kae seai ne fakalavelave i ei. A tino kolā ne ‵nofo muamua i ei ko tino Hamo.+ 41 A latou konei e ‵tu olotou igoa i te fakasologa o igoa ne oko mai i aso o te tupu o Iuta ko Hesekia+ kae ofa ki lalo a faleie o tino Hamo mo tino Meunima kolā ne ‵nofo atu i konā. Ne ‵ta fakapalele ne latou a tino konā ke seai se tino e ‵toe mai ke oko mai ki te aso nei; kae ne ‵nofo latou i olotou koga me e isi ne mouku i ei ma olotou lafu mamoe.

42 A nisi tino Simeona, e toko 500 tāgata, ne olo aka ki te Mauga o Seila+ fakatasi mo Pelatia, Nealia, Lefaia mo Usieli ko tama tāgata a Isi telā ne ‵taki ne ia latou. 43 Kae ne ‵ta ne latou a te ‵toega o tino Amaleka+ kolā ne ‵sao, kae ne ‵nofo latou i konā ke oko mai ki te aso nei.