Te Muamua Nofoaiga Tupu

20 I te kamataga o te tausaga, i te taimi ne olo sāle atu ei a tupu o taua, ne takitaki ne Ioapo+ se kautau o fakamasei te fenua o tino Amoni; ne fanatu a ia o nikoi a Lāpa,+ kae ko Tavita ne nofo i Ielusalema.+ Ne taua atu a Ioapo ki Lāpa kae ofa ne ia ki lalo.+ 2 Tenā ne puke ei ne Tavita te kalauna o Malikama mai tena ulu, iloa ei ne ia me ‵tusa mo te taleni* aulo e tasi tena ‵mafa, kae i loto i ei e isi ne fatu tāua; kae ne tuku atu ki luga i te ulu o Tavita. Ne puke foki ne ia a mea e uke ne maua i te taua mai te fakai+ tenā. 3 Kae puke mai ne ia a tino kolā ne ‵nofo i ei kae fakaga‵lue+ ne ia ke soa a fatu kae ga‵lue foki ki mea faigaluega fiti mata ‵kai mo takū. Tenā te mea ne fai ne Tavita ki fakai katoa o tino Amoni. Oti aka, toe ‵foki atu ei a Tavita mo kautau katoa ki Ielusalema.

4 Mai tua ifo, ne fai te taua i Kesela mo tino Filisitia. I te taimi tenā, a Sipekai+ te tino Husa ne ta ne ia a Sipai, telā se tino Lefaima,+ kae ne takavale ei a tino Filisitia.

5 Kae ne toe fai te taua mo tino Filisitia, kae ko Eleana te tama tagata a Iaila ne ta ne ia a Lami te taina o Koliata+ te tino Kata, telā e ‵pau a te kau o tena tao mo te fiti o te mea ‵laga laugatu.+

6 Ne toe fai foki te taua i Kata,+ kae e isi se matugā tagata lasi+ i ei e taki 6 a matikao i ana lima takitasi kae taki 6 a matikao i ana vae takitasi, telā ko 24 katoa i ei; kae ko ia foki se tino Lefaima.+ 7 Ne fakaitaita+ atu faeloa a ia ki tino Isalaelu. Tenā ne ta ei a ia ne Ionatana te tama tagata a Simea,+ te taina o Tavita.

8 A latou konei ne tino Lefaima+ i Kata,+ kae ne takavale latou i lima o Tavita mo lima o ana tavini.