Iopu
26 Ne tali atu a Iopu:\
2 “Ko oko eiloa i te ‵lei o te fesoasoani ne fai ne koe ki te tino e seai sena malosi!
Mo te auala ne fakasao ei ne koe te lima o te tino telā e seai sena malosi!+
3 Ko oko eiloa i te ‵gali o pati fakatonutonu ne tuku ne koe ki te tino telā e se lasi tena poto!+
Ne fakaasi atu fua* ne koe a te aoga o tou poto!
4 Ko oi te tino e taumafai koe o faipati ki ei,
Kae ko oi ne fakamalosi ne ia koe ke fai a vaegā pati konā?*
5 E pole‵pole eiloa a tino ‵mate kolā e seai se lotou malosi;
E ma‵lalo ifo latou i lō vai mo mea kolā e ‵nofo i ei.
7 E ‵fola ne ia te lagi ki mātū* i luga i te koga ateatea,*+
Kae e seai se mea e fakatautau i ei te lalolagi;
8 E pelu ne ia a vai i ana kaumana,+
Ko te mea ke se ma‵pa a kaumana i te lotou ‵mafa;
9 E ‵pono ne ia a tena nofogaaliki ke mo a ma lavea,
Mai te ‵fola atu o tena kaumana i luga i ei.+
10 E fakamailoga ne ia te kapakapalagi i luga i te tai;+
E fai ne ia te tuakoi i va o te mainaga mo te pouliga.
11 A pou o te lagi e gasue‵sue;
E ‵poi latou i ana polopolokiga ‵mafa.
12 E fai ne ia ke sou te tai ki tena ‵mana,+
Kae e auala i tena malamalama e ofa likiliki ne ia a manu fakama‵taku o te tai.*+
13 E auala i tena mānava* e fai ne ia te lagi ke ‵ma;
E ‵suki ne ia ki tena lima a te gata telā e fui ‵po aka.*
14 Kiloke! A mea konei ne vaega fo‵liki fua o ana faifaiga;+
Se musumusuga foliki fua ne lagona mai i a ia!
Tela la, ko oi e mafai o malamalama i te malosi o tena fa‵tili?”+