Iopu
40 Ne faka‵soko atu te tali a Ieova ki a Iopu:
2 “E a, e ‵tau o fakataufai a te tino e ‵sala ki mea ‵se a nisi tino mo te Atua Malosi Katoatoa?+
Fai ke tali mai a te tino telā e manako o polopoloki ne ia te Atua.”+
3 Ne tali atu a Iopu ki a Ieova:
4 Kiloke! Au e se aoga.+
Se a taku tali ki a koe?
Ko tuku ne au toku lima ki luga i toku gutu.+
5 Au ne faipati fakatasi, kae ka se toe tali atu au;
Fakalua taimi, kae ka se toe ai ne aku pati e fai.”
6 Tenā ne tali atu ei a Ieova ki a Iopu mai i loto i se afā:+
7 “Fakatoka mai koe, fakamolemole, e pelā me se tagata;
Ka fesili atu au ki a koe, kae fakamatala mai ne koe ki a au.+
8 E a, ka fakafesili* ne koe taku fakamasinoga tonu?
E a, ka taku fakamasei ne koe au ko te mea ke sao koe?+
9 E a, e isi sou lima e malosi e pelā mo te lima o te Atua tonu,+
Io me e mafai o fai tou leo ke pakū e pelā mo tena leo?+
10 Fakamolemole, fakagaligali aka koe ki te ‵malu mo te ‵malu fakatupu;
Kae pei ki te tulaga ‵malu mo te gali.
11 ‵Tala ki tua te malosi o tou kaitaua;
Kilo ki tino katoa kolā e fakamaua‵luga, kae fakamalalo atu a ia.
12 Kilo ki tino katoa kolā e fakamaua‵luga, kae fai ke loto maulalo a ia,
Kae lakalaka ki lalo a tino amio ma‵sei i te koga e ‵tu latou i ei.
13 Faka‵muni atu latou katoa i te ‵pefu;
‵Sai atu latou* i se koga sē lavea,
14 Tenā ko mafai ei ne au o fakatalitonu atu ki a koe*
Me e mafai ne tou lima fakaatamai o fakasao a koe.
15 Tenei la a Pemota,* telā ne faite ne au i te taimi ne faite ei ne au a koe.
E kai a ia ki mouku e pelā me se pulumakau tagata.
16 Kilo atu ki te malosi i ana kautega
Mo te ‵mafi o taganoa i tena tinae!
17 E fakamakeke ne ia tena felo e pelā mo te lakau ko te alasi;
A uaua i ana kauaga e ‵laga fakatasi.
18 Ana ivi ne paipa kopa;
Ana vae e fai pelā me ne tokotoko fiti.
19 Ko ia e tu muamua* i galuega a te Atua;
Ko te Tino fua ne faite ne ia a ia e mafai o fakapilipili atu ki ei mo tena pelu.
20 E tuku mai ne mauga a meakai ma ia,
I te koga e ta‵fao i ei a manu katoa o te vao.
21 E takato a ia i lalo o lakau talatala,
I te malūga o mouku ‵loa i koga sua‵sua.
22 E oko atu te malūga o lakau talatala ki luga i a ia,
Kae ko lakau ko popula o te vanu e fakatamilo i a ia.
23 Kafai e sou te vaitafe e se polepole a ia.
E maua ne ia te loto talitonu faitalia me ‵tafe atu te Iolitana+ ki tena gutu.
24 E mafai ne se tino o ‵po aka a ia i te taimi e kilokilo mai ei a ia,
Io me ‵suki tena isu ki se kafilo?*