Iopu
13 Ao, ko oti ne lavea ne oku mata a mea katoa konei,
Ne lagona ne oku taliga kae malamalama i ei.
2 A te mea e iloa ne koutou e iloa foki ne au;
Au e se malalo ifo i a koutou.
3 Ki a au loa, e ‵lei atu ke faipati au ki te Atua Malosi Katoatoa;
E manako au o kinau mo te Atua e uiga ki taku tagi.+
4 Kae e fakasalalau ne koutou a tala ‵loi e uiga ki a au;
A koutou katoa ne tokita e seai ne aoga.+
5 Moi fai ke ‵nofo filemu koutou,
Ko fakaasi mai i ei ne koutou te poto.+
6 Fakamolemole, faka‵logo mai ki aku kinauga,
Kae ‵saga tonu mai ki fakatagi a oku laugutu.
7 E a, ka fai‵pati koutou mo te sē fakamaoni mō te Atua,
Kae, e a, ka fai‵pati fakaloi‵loi koutou mō ia?
8 E a, ka ‵kau atu koutou ki a ia,*
E a, ka taumafai koutou o ‵lago ki te Atua tonu i te faiga o te fono?
9 E a, ka maua se mea ‵lei māfai e iloilo ne ia koutou?+
E a, ka fakavalea ne koutou a ia e pelā me fakavalea ne koutou se tagata?
10 E mautinoa me ka ‵liko ne ia koutou
Māfai e taumafai lēmū koutou o fakaasi atu te fapito.+
11 E a, ka se fai ne tena tulaga ‵malu ke ma‵taku koutou
Kae oko atu ki a koutou a te mataku ki a ia?
12 A otou pati ‵poto ne tugapati fua o te ‵pefu;
A otou mea puipui* e vāi‵vai fua e pelā me ne mea puipui e faite ki kele.
13 Sa logoa i oku mua, ko te mea ke mafai au o faipati.
Kae ko so se mea e oko mai ki a au ke oko mai eiloa!
14 Kaia e tuku atu ei ne au a au eiloa ki se tulaga fakamataku*
Kae puke toku ola i oku lima?
15 E tiga eiloa e mafai ne ia o tamate au, ka faka‵tali eiloa au;+
Ka kinau eiloa au ki ana mata e uiga ki taku tagi.*
17 Fakalogo faka‵lei mai ki aku pati;
Saga tonu mai ki aku folafolaga.
18 Kiloke, ko oti nei ne fakatoka ne au taku tagi;
E iloa ne au me i a au e tonu.
19 Ko oi ka fakatau‵fai mo au?
Au e mate māfai au e nofo filemu!*
20 Tuku mai fua ne mea e lua ki a au, e te Atua,*
Ko te mea ke se ‵muni au mai i ou mua:
21 Ave kea‵tea tou lima ‵mafa ke ‵mao mai i a au,
Kae ke mo a ma fai te mataku ki a koe ke polepole ei au i te mataku.+
22 Kalaga mai kae ka tali atu au,
Io me tuku au ke faipati, kae tali mai koe ki a au.
23 Ne a aku mea ‵se mo aku agasala?
Fakaasi mai ki a au taku amioga solitulafono mo taku agasala.
25 E a, ka taumafai koe o fakamatakutaku se lau e agina ne te matagi
Io me afuli a kausaito ma‵lō?
26 Me fakamau faeloa ne koe ki lalo a ‵losiga faka‵mae loto e uiga ki a au,
Kae fakasala ne koe au ona ko agasala ne fai i aso koi talavou ei au.
27 Ne tuku ne koe oku vae ki loto i mea ‵loka vae,
E iloilo ne koe oku auala katoa,
Kae fakamailoga ne koe a laga takitasi o oku alofivae.
28 Tela la, a te tagata* e pala e pelā me se mea ko pala,
E pelā me se gatu ko kai ne mogamoga.