Salamo
Ki te takitaki o te kau fai pese. Ko te pese a Tavita.
20 Ke tali mai eiloa a Ieova ki a koe i te aso o te puapuaga.
Ke puipui eiloa koe ne te igoa o te Atua o Iakopo.+
3 Ke masaua eiloa ne ia au taulaga katoa;
Ke talia eiloa ne ia mo te fiafia tau taulaga ‵sunu. (Selā)
5 Ka ka‵laga matou mo te fia‵fia ona ko au faifaiga faka‵sao tino;+
Ka sisi aka ne matou omotou fuka i te igoa o te Atua.+
Ke fakataunu eiloa ne Ieova ou manakoga katoa.
6 Nei la, ko iloa ne au i a Ieova e fakasao ne ia tena tino fakaekegina.+
E tali mai a Ia ki a ia mai te lagi ‵malu
Fakatasi mo te faka‵saoga sili* e auala i tena lima fakaatamai.+
7 E fakalago‵lago a nisi tino ki kaliota kae ko nisi ki solofanua,+
Kae ko matou e ka‵laga ki te igoa o Ieova te motou Atua.+
8 Ko oti ne pa‵kū kae ‵siga latou,
Kae ko matou ne ta‵fuke aka kae ‵tu ki luga.+
9 Ieova, fakasao aka te tupu!+
Ka tali mai a ia ki a tatou i te aso e ka‵laga atu ei tatou mō se fesoasoani.+