Faataoto
30 Te fekau tāua telā e aofia i pati a Akulu te tama tagata a Iake, kolā ne faipati ne ia ki a Itielu, ki a Itielu mo Ukala.
2 E sili atu toku valea i lō so se isi tino aka,+
Kae e se lava toku malamalama i mea e ‵tau o maua i se tagata.
3 Ne seki tauloto au ki te poto,
Kae e se maua ne au te iloaga o te Atua Tafasili i te Tapu.
4 Ko oi ne fanaka ki te lagi kae toe fanaifo?+
Ko oi ne ‵luku mai ne ia te matagi ki ana alofilima?
Ko oi ne pelu ne ia a vai ki ana gatu?+
Ko oi ne faka‵tu ne ia a mata katoa o te lalolagi?+
Ko oi tena igoa mo te igoa o tena tama—māfai e iloa ne koe?
5 A pati katoa a te Atua e ‵ma.+
A ia se talita ki a latou kolā e faka‵lafi ki a ia.+
6 Sa fakaopoopo se mea ki ana pati,+
I te mea ma polopoloki ‵mafa ne ia koe,
Kae ka taku koe e pelā me se tino loi.
7 E lua mea e fakamolemole au ki ei mai i a koe.
Ke mo a ma taofi ne koe a mea konā mai i a au kae koi tuai au o mate.
8 Tapale kea‵tea a mea sē ‵tonu mo pati ‵loi ke ‵mao mai i a au.+
Sa tuku mai ki a au a te mativa io me ko te maumea
Talia mai fua ke kai ne au aku meakai,+
9 Ko te mea ke mo a ma makona au kae fakafiti ne au a koe kae fai aka, “Ko oi a Ieova?”+
Io me fai au ke mativa, ke kaisoa kae taku fakamasei ei te igoa o toku Atua.
10 Ke mo a ma fatufatu ne koe se tavini ki tena matai,
I te mea ma fakamalaia ne ia koe kae agasala ei koe.+
11 E isi se kautama telā e fetū ne latou olotou tamana
Kae e se fakamanuia ne latou olotou mātua.+
12 E isi se kautama telā e ‵ma pakipaki i te lotou kilokiloga eiloa+
Kae e seki faka‵ma mai i ana lailaiga.*
13 E isi se kautama telā e ‵kilo fakamata‵mata
Kae ko olotou mata e mata fakamaua‵luga!+
14 E isi se kautama, olotou nifo ne pelu
Kae ko olotou kauvae ne naifi tatino;
E kai ne latou a tino ma‵lalo o te lalolagi
Mo tino ma‵tiva mai i tino valevale.+
15 E tokolua a tama fāfine a te aluka* kolā e ‵tagi mai, “Aumai! Aumai!”
E tolu a mea kolā e se mafai o lotoma‵lie,
E fa a mea kolā e se mafai o fai mai, “Ko lava!”
16 —Te Tanuga*+ mo te moegatama sē afu,
Se laukele e seai ne vai i ei,
Mo te afi telā e se mafai o fai mai, “Ko lava!”
17 A mata kolā e fakatauemu ki se tamana kae e se fia fakalogo ki se mātua+
—Ka ‵kape ne leveni o te vanu a mea konā ki tua,
Kae ka kai a mea konā ne tamā aeto.+
18 E tolu a mea kolā e se oko ki ei toku malamalama,*
Kae e fa a mea e se malamalama au i ei:
19 Ko te auala o te aeto i te lagi,
Te auala o se gata i luga i se kaupapa,
Te auala o se vaka i te tai lasi,
Mo te auala o se tagata mo se tamafine.
20 Tenei te auala o se fafine mulilua:
E kai tou fafine, e ‵solo ana gutu;
Tenā ko fai aka ei a ia, “E seai saku mea ‵se ne fai.”+
21 E tolu a mea e fai ei te lalolagi ke galulu
Kae e fa a mea e se mafai o kufaki i ei:
22 Māfai ko pule se pologa e pelā me se tupu,+
Māfai ko makona se tino valea i meakai,
23 Māfai ko puke se fafine telā e takalia‵lia* ki ei mo fai se avaga fafine,
Kae māfai ko sui ne se tavini fafine tena matai fafine.+
28 A te pili+ e ‵piki i ana vae,
Kae e fano i loto i te palesi o se tupu.
29 E tolu a mea kolā e ‵gali te lotou sa‵sale,
E fa a mea e ‵gali māfai ko ga‵sue:
30 Te leona, te ‵toe manu mafi i manu fe‵kai katoa,
Kae e se tele kea‵tea mai i se tino;+
31 Te kuli makini; te kouti tagata;
Mo te tupu telā e ‵nofo fakatasi mo tena kautau.
32 Kafai ne fakamaluga aka ne koe a koe eiloa mo te valea+
Io me kafai ne mafaufau koe o fai penā,
Tuku tou lima ki tou gutu.+
33 Me e pelā loa mo te susu telā e vili ko maua mai ei te pata
Mo te isu ma ‵kumi, ko ‵sali mai ei a toto,
E penā eiloa māfai ko fakaoso aka te kaitaua, ko māfua mai i ei a kinauga.+