Faataoto
7 Taku tama, tausi ki aku pati,
Kae tausi faka‵lei aku fakatonuga.+
2 Tausi ki aku fakatonuga kae ola leva koe;+
Puipui aku akoakoga* e pelā mo te mea uli o tou ‵kano mata.
3 ‵Sai fakatamilo a mea konā ki ou matikao lima;
Tusi a mea konā ki tou loto.+
4 Fai atu ki te poto, “A koe ko toku tuagane,”
Kae taku a te malamalama ko “toku kāiga,”
6 Mai te famalama o toku fale,
Mai toku famalama,* ne kilo ifo au ki lalo,
7 Kae i taku kilokiloga ki tino e se lava te faka‵tau,
Ne lavea ne au mai i talavou se tamataene telā e se ‵lei tena mafaufau.+
8 Ne fanatu a ia i te auala e pili ki te ‵kōna o te fale o se fafine,
Kae ne sasale atu a ia i te auala ki te fale o te fafine tenā
9 I te afiafi, i te afiafi po,+
I te taimi ko fano ei o po kae pouli.
10 Tenā ne lavea ei ne au se fafine e fakafetaui atu ki a ia,
E pei ki gatu e pelā me se fafine talitāgata,+ kae loto faitogafiti.
11 A te fafine tenā e logoa kae matafatu.+
E se mafai o nofo malie i te fale.
12 I te taimi e tasi e nofo a ia i tua, kae poi aka ko oko atu foki ki malae o te fakai,
E tu fakatalitali a ia i ‵kōna katoa.+
13 Ne puke atu tou fafine ki a ia kae sogi atu ki ei;
Ne kilo ‵tonu atu kae fai atu ki tou tagata:
14 “E ‵tau o ofo atu ne au a taulaga ‵kai fakatasi.+
I te aso nei ko oti ne ‵togi ne au aku tautoga.
15 Tenā te pogai ne vau ei au o fakafetaui ki a koe,
O ‵sala ki a koe, kae ko maua ne au koe!
16 Ko oti ne ‵fola ne au a toku moega ki laugatu ‵lei,
Ki lino lanu kese‵kese mai i Aikupito.+
17 Ko oti ne fakasausau ne au a toku moega ki mulo, aloe mo kinamoni.+
18 Vau, ke inu tāua ki te ipu o te alofa ke oko ki te tafataeao;
Ke na fia‵fia tāua o fakatau fakaasi atu te alofa,
19 Me i taku avaga e galo i te fale;
Ne fano tou tagata i se malaga ‵mao.
20 Ne puke ne ia se taga tupe o fano mo ia,
Kae ka se foki mai a ia ke oko ki te aso o te masina sulu.”
21 Ne takitaki ‵se a ia ne tou fafine ki pati fakaloiloi e uke.+
Ne faka‵se a ia ne tou fafine ki pati takolekole.
22 I konā eiloa ne fanatu a ia i tua o tou fafine e pelā me se pulumakau tagata ko ave o tamate,
E pelā me se tino fakavalevale telā ka fakasala ki mea ‵loka vae,+
23 Ke oko ki te taimi e velo ei te matasana ki tena ate;
E pelā me se manu eva e tele atu ki loto i se matasele, e se iloa ne ia me ko tuku atu ne ia tena ola ki se tulaga fakamataku.+
24 Nei la, e aku tama, faka‵logo mai ki a au;
‵Saga tonu mai ki aku muna e faipati atu.
25 Ke mo a ma ‵fuli atu tou loto ki ana auala.
Ke mo a ma fanatu koe i ana ala,+
26 Me ko oti ne fai ne tou fafine a tino e tokouke ke ‵siga kae ‵mate,+
Kae ko tokouke a tino ne tamate ne ia.+
27 A tena fale ko te auala ki te Tanuga;*
E fanaifo ki lalo i potu tafa ki loto o te mate.