Faataoto
6 Taku tama, kafai ne tuku ne koe se puipuiga* mō tou tuakoi,+
Kafai ne lūlū lima* koe mo se tino fakaa‵tea,+
2 Kafai ko ‵lave koe ona ko tau tautoga,
Ko ‵poa koe ne pati ne fai ne tou gutu,+
3 Fai te mea tenei, e taku tama, ke saoloto koe,
Me i a koe ko tō ki loto i lima o tou tuakoi:
Fano mo te loto maulalo kae fai fakavave tau fakatagi ki tou tuakoi.+
4 Ke mo a ma talia ne koe ou mata ke ‵moe,
Io me ke faka‵vale malie ou laumata.
5 Fakasaoloto aka koe e pelā me se kasele mai i lima o se tino tuli manu,
E pelā me se manu eva mai i te lima o se tino ‵po manu eva.
6 Fano ki te manu ko te lo, a koe e te tino paie;+
Onoono ki ana auala ke poto ei koe.
7 E tiga eiloa e seai sena takitaki, sena ofisa io me sena pule,
8 E fakatoka ne ia ana meakai i te tau vela,+
Kae fakaputu ana meakai i te taimi e ‵kati ei a fuataga.
9 E pefea te leva, e te tino paie, ka takato ei koe i konā?
Ko te taimi fea ka tu aka ei koe mai te moega?
10 Ke moe malie, ke faka‵vale malie aka a mata,
Ke pilima malie aka a lima o malōlō,+
11 Kae ko tou mativa ka vau e pelā me se tino ‵fao mea,
Kae ko tou mativa ka malosi e pelā me se tagata e isi ne ana meatau.+
12 A te tagata sē aoga kae amio masei e sasale valevale fakatasi mo pati sē ‵tonu;+
13 E fakakivi tena mata,+ e fai a fakailoga ki tena vae, kae fai ana tāga ki ana matikao lima.
14 Fakatasi mo se loto fakaloiloi,
E salasala faeloa a ia ki se togafiti+ kae faka‵tupu fakalavelave.+
15 Tela la, ka oko fakavave mai tena fakalavelave;
I se taimi vave ka pakiakia a ia kae ka se mafai o faka‵lei aka.+
16 E ono a mea kolā e takalialia ki ei a Ieova;
Ao, e fitu a mea e se fiafia a ia ki ei:
17 Ko mata fakamaualuga,+ se alelo fakaloiloi,+ mo lima kolā e fakamaligi i ei a toto o tino e seai ne olotou ‵se,+
18 Se loto telā e taumafai o fai se togafiti masei,+ mo vae kolā e ‵tele fakavave ki mea matagā,
19 Se molimau sē tonu telā e loi i so se taimi e mānava ei se tino,+
Mo so se tino e ‵toki a fakalavelave i loto i ana taina.+
20 Taku tama, tausi a te fakatonuga a tou tamana,
21 Fusi faeloa a mea konā i tou loto;
‵Sai a mea konā i tou ua.
22 Kafai e sasale koe, ka takitaki koe ne mea konā;
Kafai e takato koe ki lalo, ka ‵tu aka a mea konā o puipui koe;
Kae kafai e ala aka koe, ka fai‵pati atu ki a koe a mea konā.*
23 Me i te fakatonuga se moli,+
Kae ko te tulafono se mainaga,+
Kae ko polopolokiga ‵mafa e fakatonutonu ei te auala ki te ola.+
24 Ka puipui koe ne mea konā mai te fafine masei,+
25 Ke mo a ma manako tou loto ki tena gali+
Io me talia tou fafine ke malei ne ia koe ki ana mata ‵gali,
26 Me e auala i se fafine talitāgata, e mafai o pakū ifo se tagata ki se falaoa faka‵fete e tasi,+
Kae ko te avaga a te suā tagata e salasala ki se ola tāua.
27 E a, e mafai ne se tagata o ‵luku mai a malala ‵ka ki tena fatafata kae e se ‵paku ana gatu?+
28 Io me e a, e mafai o sasale se tagata i luga i malala ‵ka kae e se ‵paku ana vae?
29 E penā foki te tino e ‵moe fakatauavaga mo te avaga fafine a tena tuakoi;
E seai se tino e patele ki tou fafine ka se fakasala.+
30 A tino e se takalia‵lia ki se tino kaisoa
Māfai e kaisoa a ia ke fakamalie aka tena fiakai.
31 Kae kafai ko ‵po aka, ka toe ‵togi fakafitu taimi ne ia a mea konā;
Ka tuku atu ne ia a mea tāua katoa o tena fale.+
32 E se ‵lei a te mafaufau o so se tino telā e mulilua mo se fafine;
A te tino e fai penā e aumai ne ia te masei ki a ia eiloa.+
34 Me i te masalosalo e fai ei ke kaitaua te avaga tagata;
Ka se fakaasi atu eiloa ne ia te alofa atafai māfai ko taui atu ne ia te mea tenā.+
35 Ka se talia ne ia se ‵togi ke sui ei te mea tenā;
Ka se fiafia eiloa a ia, faitalia me pefea te lasi o tau meaalofa.