Ke Tufa a “Mea ‵Lei” Mai te Fakaasi Atu o te Uiga Talimālō (Mata. 12:35a)

E mautinoa eiloa me e ma‵nako katoa tatou o tufa atu a “mea ‵lei” ki nisi tino mai te tau‵tali i “te uiga talimālō.” (Loma 12:13) E fai ne toeaina te takitakiga ke mafai ne taina kolā e asi mai o fai a lāuga o ‵kai fakatasi mo taina mo tuagane kae ke mafai o teo sui olotou tupe totino kolā ne ‵togi ki ei a mea kolā e fakaaoga ne latou ke oloolo i ei. Kae e mafai eiloa o taofi ne tatou a te fakaasi atu o te uiga talimālō ona ko te sē lava o tupe, io me kāti e manava‵se tatou māfai e aumai ne tatou a tino ki ‵tou fale. E mafai o fakatakavale ne tatou a vaegā lagonaga penā māfai e ‵goto ki ‵tou loto a polopolokiga a Iesu ki a Maleta. (Luka 10:39-42) Ne faka‵mafa mai ne ia te “vaega ‵lei” o te uiga talimālō ko te ‵kau fakatasi o te kautaina kae fakatau fakamalosi, kae e se ko fakatokaga o se ‵kaiga io me ko te teuteuga o se fale ke gali. Kafai e fakagalue ne tatou a te fakatakitakiga tenei, ko mafai ei ne tatou katoa o tuku atu a “mea ‵lei” ki ‵tou taina e ‵tusa mo te Muna a te Atua.​—3 Ioane 5-8.