“Ke Folafola Atu te Tausaga o te Loto ‵Lei o Ieova”

“Te Tausaga o te Loto ‵Lei o Ieova”se tausaga fakatusa

61:1, 2, NW

• Se taimi e tuku sale ei ne Ieova te avanoaga ki tino loto mau‵lalo ke talia ne latou a te faka‵pulaga e uiga ki tena saolotoga

• I te senitenali muamua, ne kamata a te tausaga o tena loto ‵lei i te taimi ne kamata ei te galuega talai a Iesu i te 29 T.A. kae ne gata atu i “te aso o te taui ma sui” a Ieova, i te taimi ne fakaseai ei a Ielusalema i te 70 T.A.

• I ‵tou aso nei, e kamata te tausaga o te loto ‵lei i te taimi ne fakasopo ei a Iesu mo fai te Tupu i te tausaga e 1914 kae ka fakaoti atu i te fakalavelave lasi

E fakamanuia ne Ieova ana tino mo “lakau ‵lasi o te amiotonu”

61:3, 4, NW

• A lakau ‵lasi i te lalolagi nei e masani eiloa o ola fakatasi i vao, i koga kolā e ola i ei a nisi lakau kae fakalagolago ki suā lakau

• E ‵lasi ‵ki olotou aka telā e mio fakatasi i te laukele, kae e fai ei ke ‵mau a aka o lakau kae ke se ‵siga i matagi ma‵losi

• A lakau ‵loa foki e puipui kae faka‵malu ei a tamā lakau fo‵liki, kae ko lau kolā e ‵to ifo mai i ei e fakamaumea ei te laukele

E maua ne fakapotopotoga Kelisiano i te lalolagi kātoa a mea aoga mai te fesoasoani mo te puipuiga mai “lakau ‵lasi o te amiotonu,” te ‵toega o te kau fakaekegina