Tumau i te Mataala mo te Gasu‵sue Malosi i te Feitu Faka-te-Agaga Māfai ko ‵Fuli Ou Fakanofonofoga

E se mafai o taofi aka ne tatou a ‵fuliga, maise eiloa i aso fakaoti konei. (1Ko 7:31) Faitalia me ne fakamoemoe ki ei io me ikai, ‵lei io me masei, e mafai o fakalavelave mai a ‵fuliga ki ‵tou tapuakiga kae fakamasei ei ‵tou fesokotakiga mo Ieova. Se a te mea ka fesoasoani mai ke tumau tatou i te mataala kae gasue‵sue malosi i te feitu faka-te-agaga i taimi o ‵fuliga? Onoono ki te vitio Tumau i te Malosi Faka-te-Agaga i te Taimi ko Olo Atu ki Nisi Koga, kae ka oti ko tali mai ei a fesili konei:

• Se a te manatu fesoasoani ne tuku atu ne se taina ki te tamana?

• Ne aoga pefea te akoakoga fakavae i te Mataio 7:25 ki te tulaga o te kāiga?

• Ne fakatokatoka pefea mō se taimi leva ne te kāiga a mea mō te lotou olo atu ki te suā koga, kae ne fesoasoani atu pefea te mea tenei ki a latou?

• Se a te mea ne fesoasoani atu ki te kāiga ke fakamasani ki ‵fuliga i te fakapotopotoga mo te koga talai?

Me a ‵fuliga fakamuli nei ne fepaki mo au?

E fakagalue aka pefea ne au ki toku tulaga a akoakoga fakavae i te vitio?