MANATU I TE 7

E Tonu Kae Fakatalitonugina

Luka 1:3

MEA E ‵TAU O FAI: Fakaaoga a fakamaoniga kolā e fakatuagagina ke maua ne au tino fakalogo‵logo te manatu tonu.

Fakaaoga a fakamatalaga kolā e fakatuagagina. Fakavae ou manatu ki te Muna a te Atua, ke faitau ‵tonu mai loto i ei māfai e mafai. Kafai e fakaaoga ne koe se fakamatalaga fakasaienisi, se tala o se mea ne tupu, se tala o se tino, io me ko nisi fakamatalaga aka, ke fakamautinoa muamua me i te koga ne maua mai ei tau tala e fakatuagagina, kae ne fakamatalaga ‵fou eiloa.
Fakagalue a fakamatalaga i te auala tonu. Fakamatala a tusi faitau ke fetaui tonu mo te fekau kātoa i te Tusi Tapu, pelā foki mo tusi mai “te tavini fakamaoni kae poto.” (Mata. 24:45) Ke fakaaoga a nisi fakamatalaga e ‵tusa mo te manatu mo te manakoga o te tino i a ia te tusi.

Ke mo a ma silia atu io me fakalasi‵lasi ne koe a fakamatalaga mo te aofaki o mea i au fakamatalaga. Fakaeteete ke mo a ma fai atu “te tokoukega o tino” i lō “nisi tino,” io me i lō te fai atu “i nisi taimi” kae ko fai atu koe “i taimi katoa.”
Fakasakosako mo tino fakalogo‵logo ki fakamaoniga. Kafai ko oti ne faitau atu se tusi faitau io me ko pati mai se isi tusi, fai atu ne fesili io me se tala fakatusa ko te mea ke fakaiku ne au tino fakalogo‵logo a te manatu tonu.