MATAUPU 28
Ke Loto Fakafetai mō te Mea ne Fai ne Ieova mo Iesu ki a Koe
Ne a ou lagonaga māfai ko tuku atu ne sou taugasoa se meaalofa gali ki a koe? Kāti ka fiafia malosi koe kae e fia fakafetai atu koe ki tou taugasoa mō te meaalofa tenā. Ne tuku mai ne Ieova mo Iesu a te ‵toe meaalofa tafasili i te ‵lei ki a tatou, kae fakaasi atu pefea ne tatou te ‵tou loto fakafetai ki ei?
1. Se a te auala e tasi ke fakafetai atu mō te mea ne fai ne te Atua mo Keliso ki a tatou?
E folafola mai i te Tusi Tapu me ko “so se tino telā e fakaasi atu faeloa te fakatuanaki ki a [Iesu]” e mafai o ola ki te se-gata-mai. (Ioane 3:16) Se a te uiga ke fakaasi atu faeloa te fakatuanaki? E se fakauiga fua i ei ki te talitonu ki a Iesu. E ‵tau foki o lavea atu te ‵tou fakatuanaki e auala i ‵tou fakaikuga mo mea e fai ne tatou. (Iakopo 2:17) Kafai e fakaasi atu ne tatou te ‵tou fakatuanaki e auala i ‵tou pati mo ‵tou mea e fai, ko fakamalosi aka ei ne tatou te ‵tou va fakataugasoa mo Iesu mo tena Tamana, ko Ieova.—Faitau te Ioane 14:21.
2. Se a te fakatasiga fakapito e fesoasoani mai ke fakaasi atu te ‵tou loto fakafetai mō te mea ne fai ne Ieova mo Iesu?
I te po mai mua o tena mate, ne fai atu a Iesu ki ana soko e uiga ki te suā auala ke fakaasi atu te loto fakafetai mō tena taulaga. Ne kamata ne ia se fakamanatuga fakapito telā e taku i te Tusi Tapu ko “te ‵Kaiga a te Aliki i te Afiafi,” kae ne lauiloa foki ki te Fakamanatuga o te Mate o Keliso. (1 Kolinito 11:20) Ne kamata ne Iesu a te mea tenei ko te mea ke fakamasaua ne ana apositolo—mo Kelisiano ‵tonu katoa mai tua ifo—me ne tuku atu ne ia tena ola mō latou. Ne fakatonu mai a Iesu e uiga ki te fakamanatuga tenei: “Ke fai faeloa te mea tenei mo fai se fakamasauaga ki a au.” (Luka 22:19) Kafai e kau atu koe ki te Fakamanatuga ko fakaasi atu ei tou loto fakafetai ki te lasi o te alofa ne fakaasi mai ne Ieova mo Iesu ki a tatou.
KELI MALOSI IFO
Onoono ki auala e mafai ei o fakaasi atu te loto fakafetai ki te lasi o te alofa o Ieova mo Iesu. Mafaufau ki te tāua o te Fakamanatuga o te mate o Keliso.
3. E gasue‵sue tatou ona ko te loto fakafetai
Mafaufau me ne fakasao koe ne se tino mai te malemu. E mata, ka fakapuli atu fua a te mea ne fai ne te tino tenā ki a koe? Io me ka ‵sala koe ki auala ke fakaasi atu tou loto fakafetai mō te mea ne fai ne ia?
Ne māfua mai ‵tou ola i a Ieova. Faitau te 1 Ioane 4:8-10, ko sau‵tala ei ki fesili konei:
Kaia e fai ei te taulaga a Iesu pelā me se meaalofa fakapito?
Ne a ou lagonaga mō te mea ne fai ne Ieova mo Iesu ki a koe?
E fakafetai atu pefea tatou ki te mea ne fai ne Ieova mo Iesu ki a tatou? Faitau te 2 Kolinito 5:15 mo te 1 Ioane 4:11; 5:3. Kafai ko oti ne faitau ki tusi fai‵tau takitasi, ke sau‵tala ki te fesili tenei:
E ‵tusa mo te tusi faitau tenā, se a te mea e mafai o fai ne tatou ke fakaasi atu ‵tou loto fakafetai?
4. Fakaakoako ki a Iesu
A te suā auala ke fakafetai atu ko te fakaakoako ki a Iesu. Faitau te 1 Petelu 2:21, ko sau‵tala ei ki te fesili tenei:
Ne a auala e mafai ei o tautali fakapilipili atu koe ki kalafaga o Iesu?
Ne fiafia malosi a Iesu ki te Muna a te Atua, talai te tala ‵lei, kae fesoasoani atu ki nisi tino
5. Kau atu ki te Fakamanatuga o te mate o Keliso
Ke iloa tonu a mea kolā ne fai i te fakamanatuga muamua o te ‵Kaiga a te Aliki i te Afiafi, faitau te Luka 22:14, 19, 20. Ka oti ko sau‵tala ei ki fesili konei:
Ne a mea ne ‵tupu i te ‵Kaiga a te Aliki i te Afiafi?
Se a te mea e fakauiga ki ei te falaoa mo te uaina? —Onoono ki te fuaiupu e 19 mo te 20.
Ne manako a Iesu ke fakamanatu fakatasi fua i te tausaga ne ana soko a te ‵Kaiga a te Aliki i te Afiafi i te po masina o tena mate. Tela la, e maopoopo a Molimau a Ieova i tausaga takitasi ke fakamanatu ne latou te mate o Keliso i te auala telā ne fakatonu mai ne ia. Ke iloa ne koe a mea e uke atu e uiga ki te fakatasiga tāua tenei, pei te VITIO. Ka oti ko sau‵tala ei ki te fesili tenei.
Ne a mea e fai i te Fakamanatuga?
E isi se mea e fakauiga ki ei a te falaoa mo te uaina. E fakauiga te falaoa ki te foitino ‵lei katoatoa o Iesu telā ne ofo mai mō tatou. E fakauiga te uaina ki tena toto
MEA E FAI MAI NE NISI TINO: “E ‵tau fua mo koe o talitonu ki a Iesu ke sao koe.”
E fakaaoga pefea ne koe te Ioane 3:16 mo te Iakopo 2:17 ke fakamaoni aka me e uke atu a nisi mea e ‵tau o fai?
MANATU AOGA
E fakaasi atu ‵tou loto fakafetai mō te mea ne fai ne Iesu ki a tatou mai te fakatuanaki ki a ia mo te kau atu ki te Fakamanatuga o tena mate.
Fesili
Se a te uiga ke fakatuanaki ki a Iesu?
E fakafetai atu pefea koe ki a Ieova mo Iesu mō te lā mea ne fai ki a koe?
Kaia e tāua ‵ki ke kau ki te Fakamanatuga o te mate o Keliso?
NISI FAKAMATALAGA
Se a te mea e fakamalosi aka ne te mate o Keliso ke fai ne tatou?
Ne Fakaaoga ne Ia Tena Foitino ke Fakaaloalo ei a Ieova (9:28)
Tauloto ki mea e uke atu e uiga ki te fakatuanaki mo te auala ke fakaasi atu ei.
“Fakagalue Tou Fakatuanaki ki Folafolaga a Ieova” (Te Faleleoleo Maluga, Oketopa 2016)
I te tala “Ko Lagona ne Au me i a Au ko ‵Ma, ko Ola, kae Katoatoa,” ka faitau ei koe ki te auala ne aoga ei a te taulaga a Keliso ki te olaga o se fafine e tokotasi.
“E ‵Fuli ne te Tusi Tapu a Olaga o Tino” (Te Faleleoleo Maluga, Aokuso 1, 2011)
Mafaufau ki pogai e ‵kai kae inu ei a nai tino ki te falaoa mo te uaina i te taimi o te Fakamanatuga.