FATATUSI I TE ITANETI a te Faleleoleo Maluga
Faleleoleo Maluga
FATATUSI I TE ITANEI
Tuvalu
  • TUSI TAPU
  • TUSI
  • MEETINGS
  • lff mataupu 45
  • Te Uiga o te sē Kau ki se Feitu

E seai se vitio penei

Fakatoese atu, e isi se fakalavelave ki te peiga o te vitio

  • Te Uiga o te sē Kau ki se Feitu
  • Ke Ola ki te Se-Gata-Mai!—Sukesuke ki te Tusi Tapu
  • Ulutala fo`liki
  • Mataupu
  • KELI MALOSI IFO
  • MANATU AOGA
  • NISI FAKAMATALAGA
  • Ke Tumau Koe i te sē Kau ki se Feitu o te Lalolagi Telā e ‵Nofo Mavaevae
    Te Faleleoleo Maluga e Folafola Atu ei te Malo o Ieova (Sukesukega)—2016
  • “E se ne Tino o te Lalolagi Latou”
    Tapuaki ki te Atua Tonu
  • Kelisiano Kolā e se ‵Kau ki se Feitu i Aso Fakaoti Konei
    Te Faleleoleo Maluga e Folafola Atu ei te Malo o Ieova—2002
  • Kaia e Tāua ‵ki a te sē ‵Kau Atua ki se Feitu? (Mik 4:2)
    Tusi mō Fakatasiga mo te Galuega Talai​—Tusi mō Fakatasiga—2018
Nisi Mea
Ke Ola ki te Se-Gata-Mai!—Sukesuke ki te Tusi Tapu
lff mataupu 45
Mataupu 45. Se tuagane talavou e tu filemu atu mo te āva i te taimi e fai ei a te tautoga o te fakamaoni kae e se tuku tena lima ki tena fatafata e pelā mo tama‵liki katoa.

MATAUPU 45

Te Uiga o te sē Kau ki se Feitu

Printed Edition
Printed Edition
Printed Edition

Ne akoako mai a Iesu me i ana soko “e se ne vaega o te lalolagi.” (Ioane 15:19) E aofia i te mea tenei—a te sē ‵kau ki se feitu i mea fakapolitiki mo taua a te lalolagi. A te ‵tonuga loa, e sē se mea faigofie a te sē kau ki se feitu. E mafai o fakatauemu mai a tino ki a tatou ona ko te mea tenei. E mafai pefea o sē ‵kau tatou ki se feitu kae fakamaoni ki a Ieova te Atua?

1. E ‵tau o pefea a te kilokiloga a Kelisiano ‵tonu ki malo o tāgata?

E āva a Kelisiano ki malo o tāgata. E fai ne tatou a mea ne fai mai ne Iesu kae “toe ‵togi atu a mea a Kaisala ki a Kaisala”—ko tena uiga, e faka‵logo tatou ki tulafono o te fenua, e pelā mo te manakoga ke ‵togi ‵tou lafoga. (Maleko 12:17) E akoako mai te Tusi Tapu me i malo o tāgata e pule mai fua ona ko te taliaga a Ieova. (Loma 13:1) Tela la, e iloa ne tatou, me i malo o tāgata e isi se tapulā ki te lotou pulega. E ‵kilo atu tatou ki te ‵tou Atua mo tena Malo faka-te-lagi ke faka‵lei ne ia a fakalavelave o tino.

2. E fakaasi atu pefea ne tatou a te ‵tou sē ‵kau ki se feitu?

E pelā mo Iesu, e se aofia tatou i mea fakapolitiki. I te taimi ne lavea ei ne tino a vavega a Iesu, ne taumafai latou ke fai a ia mo fai te lotou tupu i te lalolagi, kae ne seki talia ne ia. (Ioane 6:15) Kaia? Me ne fai fakamuli mai a ia penei, “a toku Malo e sē se vaega o te lalolagi tenei.” (Ioane 18:36) E pelā me ne soko o Iesu, e fakaasi atu ne tatou a te ‵tou sē ‵kau ki se feitu i auala e uke. E pelā mo te sē ‵kau atu o tatou ki taua. (Faitau te Mika 4:3.) E āva tatou ki fakailoga o atufenua—e pelā mo te fuka—kae se tapuaki tatou ki mea konā. (1 Ioane 5:21) Kae e se ‵kau io me e ‵teke atu tatou ki se potukau fakapolitiki io me ko sui ki te palamene. I auala konei mo nisi auala aka, e fakaasi atu i ei ne tatou me e fakamaoni katoatoa tatou ki te pulega a te Atua—tena Malo.

KELI MALOSI IFO

Iloilo a tulaga kolā e mafai o tofotofo aka ei te ‵tou sē ‵kau ki se feitu, mo auala e mafai ei o fai ne koe a fakaikuga kolā ka fakafiafia ki a Ieova.

Se tagata e tumau i te sē kau ki se feitu. E se fia saga atu a ia ki te sui o te kau ‵teke telā e faipati ki se vaitino.

3. E se ‵kau ki se feitu a Kelisiano ‵tonu

Ne tuku mai ne Iesu mo ana soko se fakaakoakoga mō tatou. Faitau te Loma 13:1, 5-7 mo te 1 Petelu 2:13, 14. Ka oti, pei te VITIO ko sau‵tala ei ki fesili konei.

VITIO: E se ‵Kau ki se Feitu a Kelisiano ‵Tonu—Vaega 1 (4:28)

  • Kaia e ‵tau ei o āva tatou ki malo o tāgata?

  • Ne a nisi auala e fakaasi atu ei a te ‵tou faka‵logo ki a latou?

I taimi o taua, e fai mai a nisi atufenua me e se ‵kau latou ki se feitu kae fesoasoani atu eiloa latou ki potukau taua e lua. Se a te uiga tonu o te sē kau ki se feitu? Faitau te Ioane 17:16. Ka oti, pei te VITIO ko sau‵tala ei ki te fesili tenei.

VITIO: E se ‵Kau ki se Feitu a Kelisiano ‵Tonu—Vaega 2 (3:11)

  • Se a te uiga o te sē kau ki se feitu?

Kae e a māfai ko fakatonu mai a malo o tāgata ke fai se mea telā e ‵teke atu ki te tulafono a te Atua? Faitau te Galuega 5:28, 29. Ka oti pei te VITIO ko sau‵tala ei ki fesili konei.

VITIO: E se ‵Kau ki se Feitu a Kelisiano ‵Tonu—Vaega 3 (1:18)

  • Kafai ko fe‵paki a te tulafono a te tagata mo te tulafono a te Atua, i a ai te tulafono e ‵tau o faka‵logo tatou ki ei?

  • E mafai o mafaufau koe ki fakanofonofoga kolā ka fai ei ke se faka‵logo a Kelisiano ki malo o tāgata?

4. Ke se ‵kau ki se feitu i mafaufauga mo faifaiga

Faitau te 1 Ioane 5:21. Ka oti, pei te VITIO ko sau‵tala ei ki fesili konei.

VITIO: Te Pogai e ‵Tau ei o Loto Ma‵losi a Kelisiano ‵Tonu—Ke Tumau i te sē ‵Kau ki se Feitu (2:49)

  • I te vitio, kaia ne fakaiku aka ei ne Ayenge ke se kau a ia ki se potukau fakapolitiki io me ko aso fakamanatu o te atufenua, e pelā mo te saluti ki te fuka?

  • Se a tau faka‵tau, ne ‵lei tena fakaikuga?

Ne a nisi tulaga e mafai o tofotofo ei te ‵tou sē ‵kau ki se feitu? Pei te VITIO, ko sau‵tala ei ki fesili konei.

VITIO: Manatu Tāua Mai Te Faleleoleo Maluga—Ke Tumau i te sē ‵Kau ki se Feitu i se Lalolagi Mavaevae (5:16)

  • E mafai pefea o tumau tatou i te sē ‵kau ki se feitu māfai ko onoono ki tafaoga fakatau‵fai i va o atufenua?

  • E mafai pefea o tumau tatou i te sē ‵kau ki se feitu faitalia me e pokotia tatou i fakaikuga a te kau politiki?

  • E mafai pefea o pokotia te ‵tou sē ‵kau ki se feitu ona ko tala fakasalalau io me ko tino e fesokotaki sāle mo tatou?

Mataupu valevale: 1. Se potukau o tino kaitāua mo fakailoga e sisi i luga kae ‵teke atu. 2. Se tagata e pakalaga fakamalosi atu kae taofi ne ia te fuka i se fakatau‵faigā tafaoga. 3. Se tamaliki e tautali ki pati o te tautoga o te fakamaoni. 4. Se tagata o te kautau e tu mo se masinikani. 5. Ko sui fakapolitiki e fakatau kinau. 6. Se fafine e palota.

Ne a fakanofonofoga e ‵tau ei mo se Kelisiano o tumau i te sē kau ki se feitu?

KĀTI KA FESILI MAI SE TINO: “Kaia e se saluti ei koe ki te fuka io me e usu te vī o te atufenua?”

  • Ka tali atu pefea koe?

MANATU AOGA

E taumafai malosi a Kelisiano ke mo a ma ‵kau ki se feitu i mea fakapolitiki i olotou mafaufauga, pati, mo faifaiga.

Fesili

  • Ne a mea e ‵tau o ‵togi atu ne tatou ki malo o tāgata?

  • Kaia e ‵tau o tumau tatou i te sē ‵kau ki se feitu i mea fakapolitiki?

  • Ne a tulaga e mafai o tofotofo aka ei te ‵tou sē ‵kau ki se feitu?

Mea e Mafai o Fai

NISI FAKAMATALAGA

Ne a nisi mea faiga‵ta e ‵tau o talia ne tatou ko te mea ke tumau i te sē ‵kau ki se feitu?

Ne Seki Fakafanoanoa Aka Eiloa ne Ieova a Matou (3:14)

Ne a mea e mafai o fai ne kāiga ke fakatoka ei latou ki tofotofoga o te sē ‵kau ki se feitu?

Ke Tumau i te sē ‵Kau ki se Feitu i Faigāmea (4:25)

Kaia e se fai ei a te ‵puluga ne se tino tena fenua e pelā me ko te ‵toe fakaaloaloga sili e mafai o maua ne ia?

“E Mafai ne te Atua o Fai a Mea Katoa” (5:19)

Mafaufau ki auala ke fakatumau ei a te sē fai pelā me se vaega o te lalolagi māfai ko fai tau fakaikuga ki se galuega ‵togi.

“E ‵Tau Eiloa mo te Tino o Amo Tena Amoga” (Te Faleleoleo Maluga, Apelila 1, 2006)

    Tusi Tuvalu (1981-2026)
    Log Out
    Log In
    • Tuvalu
    • Share
    • Nisi Manakoga
    • Copyright © 2025 Watch Tower Bible and Tract Society of Pennsylvania
    • Auala ki te Fakaaogaga
    • Saolotoga Faka-te-Tulafono
    • Privacy Settings
    • JW.ORG
    • Log In
    Share