Kaia e ‵Tau ei o Saga Tonu Atu Koe ki te Tusi Tapu?

A te Tusi Tapu ko te ‵toe tusi lauiloa eiloa i te lalolagi. Kaia? A te pogai e tasi, me e iloagofie. E aofia i ei a tala ‵tonu o tino ‵tonu mo olotou faifaiga i va o latou, penā foki loa ki te Atua. E akoako atu i tala konei a akoakoga aoga kolā e fakaaoga i ei a pati faigofie kae ‵tonu kolā e mafai o ‵fuli ki te fia selau o ‵gana kae malamalama i ei a tino kolā e ola i so se koga io me ko so se vaitaimi. Kae e aoga faeloa a akoakoga fakavae i te Tusi Tapu.

A te ‵toe mea tāua, e se aofia fua i te Tusi Tapu a mea e uiga ki te Atua kae se tusi foki mai te Atua. E fakaasi mai i ei te igoa o te Atua, ana uiga, mo tena fuafuaga ‵mautakitaki i te faitega o te lalolagi mo tino. E fakaasi mai foki i te Tusi Tapu se kinauga telā ko leva loa i te va o te ‵lei mo te masei: se tala lauiloa mo se fakaotiga fakafiafia. A te faitau ki te Tusi Tapu e aunoa mo ne manatu fakaopoopo e tuku mai i ei se fakavae mō te fakatuanaki mo te fakamoemoega.

I te Tusi Tapu, e maua i ei ne tatou a fakamatalaga kolā e seai aka foki se koga e maua i ei. E pelā mo te te Tusi Tapu, e fakaasi mai i ei a te munatonu e uiga ki mataupu konei:

• Ne o‵mai tatou mai fea kae kaia e logo‵mae ei tatou

• Te fakatokaga a te Atua ke fakasaoloto ei a tino

• Mea ne fai ne Iesu mō tatou

• Te fakamoemoega i aso mai mua o te lalolagi mo tino

Kaia e se onoono malie atu ei ki itulau konei e ‵soko mai kae mafaufau me se a te fekau e maua i te Tusi Tapu?