Ne a Pati i te Tusi Tapu?

E mata, e isi se igoa o te Atua?

E FAI MAI A NISI TINO me e seai sena igoa, kae e fai mai a nisi tino me i a ia ko te Atua io me ko te Aliki, kae koi mafau‵fau a nisi tino me e uke ‵ki ana igoa. Se tau faka‵tau?

FAKAMATALAGA MAI I TE TUSI TAPU:

“Fai ki tino Isalaelu i a au, te Aliki, te Atua o olotou tupuga, te Atua o Apelaamo, Isaako mo lakopo ne uga mai ne ia a koe ki a latou. E tena a toku igoa ki te se-gata-mai, e tenei a toku igoa ka fakaigoagina i ei a au ne tupulaga mai i mua nei.”—Esoto 3:15, fakamatalaga mai lalo, TTT.

NE A FOKI NISI MEA E MAFAI O TAULOTO MAI TE TUSI TAPU?

• E tiga eiloa e uke a tofi o te Atua, e tasi fua tena igoa.—Salamo 83:18, Tusi Paia, Samoa.

• A te Atua e sē se tino telā e se mafai o iloa ne tatou; e manako a ia ke iloa ne tatou a ia.—Galuega 17:27.

• A te iloa o te igoa o te Atua ko te mea muamua ke maua ei se va fakataugasoa mo ia.—Iakopo 4:8.

E mata, se mea masei ke takutaku te igoa o te Atua?

SE A TAU TALI?

• Ao

• Ikai

• Kāti la

FAKAMATALAGA MAI TE TUSI TAPU

“Sa fakaaoga ne koutou toku igoa ki mea masei.” (Esoto 20:7) A te taimi fua e tasi e masei ei ke fakaaoga te igoa o te Atua māfai ko fai penā i se auala sē āva.—Ielemia 29:9.

NE A FOKI A NISI MEA E MAFAI O TAULOTO MAI TE TUSI TAPU?

• Ne iloa kae fakaaoga foki ne Iesu a te igoa o te Atua.—Ioane 17:25, 26.

• E ‵kami ne te Atua a tatou ke ka‵laga atu ki a ia i tena igoa.—Salamo 105:1.

• E taumafai a fili o te Atua ke puli i tino tena igoa.—Ielemia 23:27.