Fesili o te Akoga mō Tino Talai

Ka fai a fesili o te Akoga mō Tino Talai i te vaiaso e kamata i a Fepuali 22, 2010. Ka fai ne te ovasia o te akoga a fesili kolā e fakavae ki mataupu kolā ne aofia i tofiga kolā ne fai i te vaiaso e kamata i a Ianuali 4 ki a Fepuali 22, 2010.

1. Ne a pogai ne fakatalave ei a tino Isalaelu i te pukega o te Fenua o te Folafolaga, kae se a te akoakoga e mafai o tauloto ne tatou mai i te mea tenei? (Iosua 18:2, 3) [it-1-E itu. 359 pala. 5]

2. Se a te mea ne fakamalosi aka ei a Iosua ke fai atu ana pati i te Iosua 24:14, 15, kae e ‵tau o pokotia pefea tatou i te mea tenei? [w08-E 15/5 itu. 17-18 pala. 4-6]

3. Se a te auala e tasi ne fai ei a tino tapuaki a Paala mo olotou vaegā tapuakiga e pelā me ne matasele mo malei ki tino Isalaelu? (Fama. 2:3) [w08-E 15/2 itu. 27 pala. 2-3]

4. Se a te akoakoga ne tauloto ne tatou mai te loto toa o Euta o fakaaoga te pelu? (Fama. 3:16, 21) [w97-E 15/3 itu. 31 pala. 4]

5. Se a te fakamalosiga e maua ne tatou māfai ko suke‵suke tatou ki te auala ne faka‵sao ei ne Ieova a Kitiona mo ana tagata e toko 3,000? (Fama. 7:19-22) [w05-E 15/7 itu. 16 pala. 8]

6. Ne saga atu pefea a Ieova ki te “puapuaga” o tino Isalaelu? (Fama. 10:16) [cl-E itu. 254-255 pala. 10-11]

7. I te faiga o tena tautoga, e mata, ne mafaufau a Iefata ke ofo atu se tino ola e pelā me se taulaga? (Fama. 11:30, 31) [w05 01/02 itu. 18 pala. 6]

8. E mata, e māfua mai eiloa te malosi o Samasoni i tena laulu? (Fama. 16:18-20) [w05-E 15/3 itu. 28 pala. 5-6]

9. E mafai pefea o fesoasoani mai a te malamalama i faifaiga fakaofoofogia a Samasoni kolā ne fakamatala mai i te Famasino 16:3? [w04 01/11 itu. 15-16 pala. 7-8]

10. Kafai ko masani o fai ne ‘tino taki tokotasi a mea ‵lei i tena kilokiloga eiloa,’ e mata, ka māfua mai i ei a faifaiga fai valevale? [w05 01/02 itu. 19 pala. 9]