Nnwom

149 Munyi Yah ayɛ!+

Monto dwom foforo+ mma Yehowa,

Monto n’ayeyi dwom wɔ anokwafo asafo mu.+

 2 Momma Israel nni ne Bɔfo Kɛse no mu ahurusi,+

Sion mma no, momma wɔn ani nnye wɔn Hene ho.+

 3 Momma wɔmfa asaw nyi ne din ayɛ.+

Momma wɔmfa mpintin ne asanku nto dwom mma no.+

 4 Yehowa ani gye ne man ho.+

Ɔde nkwagye fura ahobrɛasefo ma wɔn ho yɛ fɛ.+

 5 Momma anokwafo nni ahurusi wɔ anuonyam mu;

Momma wɔnto ahurusi dwom, wɔn mpa so.+

 6 Momma nnwom a ɛkamfo Onyankopɔn no nnyigye wɔn menewa mu;+

Momma wonkura nkrante anofanu wɔn nsam,+

 7 Na wɔmfa ntɔ aman so were,+

Mfa ntwe amanaman asõ;+

 8 Wɔmfa nkɔnsɔnkɔnsɔn nkyekyere wɔn ahene,+

Mfa dade mpokyerɛ ngu wɔn anuonyamfo;

 9 Na wɔmfa atemmu a wɔakyerɛw ato hɔ no mmra wɔn so.+

Anuonyam a ɛte saa na ɛsɛ n’anokwafo nyinaa.+

Munyi Yah ayɛ!+