Solomon Dwom

7 “O ababaa, ɔdehye,

Wo nan ne mpaboa, ɛyɛ fɛ sɛ!

Wo srɛ yɛ fɛ te sɛ agude,

Ɛte sɛ odwumfo nsa ano adwuma.

Wo yafunu te sɛ hwiit a esum hɔ,

A nhwiren* atwa ho ahyia.

 3 Wo nufu abien no te sɛ atwe nkumaa abien,

Ɔtwe mma ntaafo.+

W’ani+ te sɛ Hesbon+ atare,

A ɛwɔ Bat-Rabim pon ano.

Wo hwene te sɛ Lebanon abantenten

A ɛhwɛ Damasko.

 5 Wo ti a esi wo kɔn so te sɛ Karmel,+

Na wo ti nwi*+ a egu w’akyi te sɛ ntama afasebiri.+

 6 Wo ho yɛ fɛ, na wo ho yɛ anika,

O ababaa a medɔ wo; wokyɛn afɛfɛde nyinaa!

 7 Wo nipadua te sɛ abɛ dua,

Na wo nufu te sɛ adobɛ siaw.+

 8 Mekae sɛ, ‘Mɛforo abɛ dua no,

Na makoso ne mpopa mu.’

Ma wo nufu nyɛ sɛ bobe siaw,

Na wo hwenem hua nyɛ sɛ aprɛ,

 9 Na w’anom* nyɛ te sɛ nsã* papa paa.”

“Ma ɛnkɔ yɔɔ mma me dɔfo,

Na ɛnsɔn ngu wɔn a wɔada anom brɛoo.

10 Mewɔ hɔ ma me dɔfo,+

Wanhu me a, ontumi ntena.

11 O me dɔfo, bra

Ma yɛnkɔ wuram;

Ma yɛnkɔtena lele* nnua ase.+

12 Ma yɛnsɔre anɔpatutuutu na yɛnkɔ bobefuw* mu,

Ma yɛnkɔhwɛ sɛ bobe afefɛw anaa,

Ma yɛnkɔhwɛ sɛ agu nhwiren anaa,+

Na yɛnhwɛ sɛ granate akutu* nso agu nhwiren anaa.+

13 Dudayim*+ nnuaba hua agye baabiara;

Na nnuaba pa nyinaa bi wɔ yɛn apon ano.+

Foforo ne dedaw nyinaa,

Mede asie ama wo, O me dɔfo.